Ntha 2:10 - ÎVUKU RÎA ÛVORO MWARO

¹⁰ Rîrîa kaana gaakûrire, mûndûmûka ûcio wakamenyagîrîra nîwakavirire kûrî mwarî wa mûthamaki. Nake mwarî wa mûthamaki nîwagocire agîgatua kaana gake. Nîwagatuîrîre rîîtwa “Musa nîûndû aakarutire manjîrî.”

Ntha 2:10 ပူးပေါင်းရင်းမြစ်များ

Kîam 16:11

We nîûkaagîa na kaana ga kavîcî, na ûgatuîre rîîtwa Ishumaeli, nîûndû Ngai-Mûnene nîamenyete mathîna maku.

Kîam 4:25

Adamu nîwamenyanire kîîmwîrî na mûka na akîgîa îvu na agîciara kaana kengî ga kavîcî. Nake Awa nîwaugire atîrî, “Ngai nîmûmveu mwana wîngî wa kavîcî vandûrî va Abili, ûrîa waûragirwe nî Kaini.” Kwoguo nî wagetire Sethi.

Kîam 48:5

“Rîu avîcî aku aîrî Efiraimu na Manase, arîa wagîre nao ûrî vûrûrirî wa Misiri mbere ya mbûka nî akwa. Nîmataragwe marî akwa wata ûrîa Reubeni na Simeoni marî akwa.

2Sam 22:17

Ngai-Mûnene nîwakûnjûrire njara yake arî îgûrû na nîwanyitire, nîwangucirie na akînduta kuuma manjîrî mau marikîru.

Ntha 2:9

Mwarî wa mûthamaki nîwerire mûndûmûka ûcio atîrî, “Oca kana gaka ûkamenyerere vandûrî vakwa, na nîngaakûrîva.” Kwoguo mûndûmûka ûcio nîwocire kaana na akîthiî gûkamenyera.

Mathaayo 1:21

Mariamu nîagaaciara mwana wa kavîcî, nawe nî ûkaamûtuîra rîîtwa ûmwîte Jesû, nîûndû nîakaavonokia andû ake kuuma meviarî mao.”

Agal 4:5

nîguo akûûre arîa onthe maarî rungu rwa watho na nîguo tûtuîke ciana cia Ngai.

Ahib 11:24

Nîûndû wa wîtîkio, rîrîa Musa aatuîkire mûndû mûgima nîwaregire gûcoka gwîtagwa mûvîcî wa mwarî wa Mûthamaki.

1Joh 3:1

Oneni wendo ûrîa wîngîvîte ûrîa Îthe wetû atwendete naguo atî twîtagwa ciana cia Ngai na nîguo tûrî. Kîrîa gîatûmire nthî yaga gûtûmenya nî atî ndîaicî Ngai.

1Sam 1:20

Kwoguo vîndî îrîa kavinda kagîrîru gaakinyire, Hana nîwagîre nda na agîciara kavîcî. Ke aagatuîrîre rîîtwa Samueli na akiuga atîrî, “Nie naavoire Ngai-Mûnene amve ko.”