Ntha 19:8 - ÎVUKU RÎA ÛVORO MWARO

⁸ Nao andû onthe nîmaacokirie marî vamwe makiuga atîrî, “Tûgekaga maûndû monthe marîa Ngai-Mûnene augîte.” Nake Musa akîthiî akîra Ngai-Mûnene ûrîa andû maaugire.

Ntha 19:8 ပူးပေါင်းရင်းမြစ်များ

Nehemia 10:29

Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

Ntha 20:19

na makîra Musa atîrî “Aria natue na nîtûkwîgua, nwatî ndûkareke Ngai aria natue nîguo tûtigakue.”

Ntha 24:3

Musa nîwacokire akînyûrûrûka na akîthiî akîra andû maûndû monthe marîa Ngai-Mûnene aamwîrire na maathani monthe. Nao andû onthe nîmaacokirie marî vamwe atîrî, “Nîtûgeka ûrîa wonthe Ngai-Mûnene augîte.”

Ntha 24:7

Nîwacokire agîoca îvuku rîa kîrîkanîro, na akîthomera andû onthe augîrîrîtie. Nao nîmaaugire atîrî, “Nîtûgwîka ûrîa wonthe Ngai-Mûnene augîte na tûmwathîkîre.”

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Josh 24:21

Nao andû a Isiraeli nîmeerire Joshua atîrî, “Naarî! Tue tûgatungatagîra Ngai-Mûnene.”

Josh 24:24

Nao andû a Isiraeli nîmeerire Joshua atîrî, “Tue tûgatungatagîra Ngai-Mûnene, Ngai wetû na tûkaathîkagîra maathani make.”