Ntha 19:5 - ÎVUKU RÎA ÛVORO MWARO

⁵ Kwoguo ethîrwa mûkaambathîkagîra na mwathîkagîre kîrîkanîro gîakwa nîmûgaatuîka andû akwa. Nthî yonthe nî yakwa, nwatî mue mûgaatuîka andû akwa arîa nthuurîte,

Ntha 19:5 ပူးပေါင်းရင်းမြစ်များ

Kîam 17:9

Nake Ngai nîwerire Iburahimu atîrî, “We na njiarwa ciaku wa vamwe na njiarwa irîa igaûka nwanginya mûvingagie kîrîkanîro gîakwa nginya tene na tene.

1Atha 8:53

We nîwe wamathuurire kuuma kûrî andû onthe a gûkû nthî nîguo matuîke îgai rîaku, wata ûrîa waririe na njîra ya Musa, ndungata yaku rîrîa we Mwathani, Ngai-Mûnene warutire methe metû Misiri.”

1Maû 17:22

Ngai-Mûnene, we nîûtuîte Isiraeli andû aku tene na tene na nîûtuîkîte Ngai wao.

Ayubu 41:11

Nû ûngîtharîkîrwa na acoke avonoke? Gûtirî mûndû nthî yonthe ûngîmîtharîkîra.

Ayubu 41:3

Nwa gîkûthaithe ûkîrekie? Nwa gîgûkaîre ûkînakîguîra ntha?

Thaburi 135:4

Ngai-Mûnene nîathuurîte Jakovu atuîke wake, nîathuurîte andû a Isiraeli matuîke ake kîûmbe.

Thaburi 24:1

Nthî na indo cionthe irîa irî kuo nî cia Ngai-Mûnene, nthî nî yake wana andû onthe arîa matûûraga kuo nî ake.

Thaburi 25:10

Ngai-Mûnene nîatongoragia andû na wîvokeku na wendo, arîa onthe marûmagîrîra na makaathîkîra maathani make.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 23:22

Nwatî mûngîmwathîkîra na mwîkage maûndû monthe marîa ngûmwatha ngaarûaga na nthû cienyu cionthe.

Ntha 24:7

Nîwacokire agîoca îvuku rîa kîrîkanîro, na akîthomera andû onthe augîrîrîtie. Nao nîmaaugire atîrî, “Nîtûgwîka ûrîa wonthe Ngai-Mûnene augîte na tûmwathîkîre.”

Ntha 34:9

Nîwaugire atîrî, “We Mwathani wakwa, ethîrwa ûrî mûkenie nî nie, nînakûthaitha wîtîkîre tûthiîcanie nawe. Andû aya nî aremi, nwatî tûkirîrîrie mavîtia metû, ûtwovere mevia metû na ûtwîtîkîre tûrî andû aku.”

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Ntha 8:22

Nwatî Gosheni kûrîa andû akwa matûûraga, gûtikethîrwa kûrî na ngi. Ûndû ûcio nîguo ûgaatûma ûmenye atî Nie Ngai-Mûnene nînie nîraruta wîra vûrûrirî ûyû.

Ntha 9:29

Musa nîwerire mûthamaki atîrî, “Wona narîkia kuuma nja ya îtûûra rîîrî rînene, ngaaûkîrîria njara ciakwa ngîvoya Ngai-Mûnene. Ngwa îgakira, na mbura ya mbembe îtige kuura, nîguo ûmenye atî nthî nî ya Ngai-Mûnene.

Rwîmbo rwa Nyîmbo 8:12

Mûgûnda wakwa wa mîthavibu nî wakwa nie mwene; we Solomoni oca sîlûva ngiri îmwe (1,000), nao arîmi moce sîlûva magana maîrî (200).

Isaia 1:19

Ethîrwa nîmûgûîtîkîra kûmbathîkîra, nîmûkaarîa maciaro maro ma nthî.

Isaia 41:8

“Nwatî we, Isiraeli ndungata yakwa, we Jakovu ûrîa nie nthurîte, we rûciaro rwa Iburahimu mûrata wakwa.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 56:4

Nîûndû nie Ngai-Mûnene nîrauga atîrî, “Andû arîa ngaramba na mamenyagîrîra thavatû ciakwa, arîa mekaga maûndû marîa mangenagia na marûmagia kîrîkanîro gîakwa marî na wîvokeku,

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 13:11

Wata ûrîa thuruvarî îganagîra mûndû kîûnûrî, nîguo nendete andû onthe a Juda na Isiraeli megucage meganîrîte menyitithanîtie nanie. Nekire ûguo nîguo matuîke andû akwa, matûmage rîîtwa rîakwa rîkumue na rîvewe riiri, nwatî nîmaaregire kûnthikîrîria, nie Ngai-Mûnene.”

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Amosi 3:2

Gatagatî ka mavûrûri monthe ma nthî, mue nwa mue mbîcî. Kwoguo nîngûmûverithia nîûndû wa mavîtia menyu monthe:

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Malaki 3:17

Ngai-Mûnene mwene vinya wonthe augîte kwandîkîtwe atîrî, “Andû acio magatuîka andû akwa. Matuîka îgai rîakwa mûthenya ûrîa ngarûngama nîguo mbîke ûrîa nduîte gwîka. Ndikameka naaî wata ûrîa îthe wa mwana atangîka mwana ûrîa mwathîki naaî.

1Akor 10:26

Nîûndû nîkwandîkîtwe mandîkorî matheru atîrî, “Nthî na indo cionthe irîa irî kuo nî cia Mwathani.”

1Akor 10:28

Nwatî mûngîrwa nî mûndû atîrî, “Irio ino irutîrîtwe mîvuanano,” mue mûtikairîe. Nîrauga ûguo nîûndû wa mûndû ûrîa ûngîmwîra ûguo na nîûndû wa thamiri cienyu.

Gûco 10:14

Îgûrû na îgûrû kûrîa kûraca mûno wana nthî vamwe na indo cionthe irîa irî kuo nî cia Ngai-Mûnene Ngai wenyu.

Gûco 11:27

Ethîrwa nî mûkwathîkîra maûndû marîa Ngai-Mûnene Ngai wenyu amwathîte, nîmûkwamûkîra kîrathimo.

Gûco 14:2

Mue mûrî andû atheru a Ngai-Mûnene Ngai wenyu, na amwamûrîte gatagatîrî ka mavûrûri marîa mengî monthe ma nthî nîguo mûtuîke andû ake kîûmbe.

Gûco 14:21

“Mûtikarîe nyamû wa yonthe îkuîte mûvûvû. Nwatî nwa mûmîve ageni arîa matûûraga matûûrarî menyu mamîrîe, kana ageni arîa mavîtûkîte, nîûndû mue mûrî andû amûre a Ngai-Mûnene Ngai wenyu. “Mûtikaruge koori na îriia rîa ng'ina.

Gûco 26:18

Nake Ngai-Mûnene nîwauga ûmûnthî, atî mue mûrî andû ake kîûmbe wata ûrîa aamwîrîîre na nîmwagîrîrwe nî kûvingagia maathani make monthe.

Gûco 26:19

Nake nîakaamûtua rûrîrî rûnene gûkîra ndûrîrî cionthe irîa aaûmbire. Nao andû arîa engî onthe nîmakaamûvecaga gîtîîo na nî mûkethîrwa mûrî andû a Ngai-Mûnene, Ngai wenyu kîûmbe.”

Gûco 28:1

“Ethîrwa nî mûkwathîkîra Ngai-Mûnene, Ngai wenyu, na mûrûmagîrîre na kinyi maathani make monthe marîa ngûkwatha ûmûnthî, Ke nîakaamûtua rûrîrî rûnene gûkîra ndûrîrî cionthe cia nthî.

Gûco 28:9

“Ethîrwa nî mûkwathîkîra Maathani ma Ngai-Mûnene Ngai wenyu na mwîke maûndû monthe marîa amwathîte, nîakaamûtua andû ake atheru wata ûrîa aamwîrîîre.

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.

Gûco 5:2

Ngai-Mûnene Ngai wetû nîwarûthire kîrîkanîro natue kîrîmarî gîa Sinai.

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.

Gûco 9:29

Nwatî Ngai-Mûnene, aya nî andû aku arîa wathuurire matuîke aku kîûmbe na ûkîmaruta ûkomborî Misiri na vinya na ûvoti waku mûnene.’

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 11:8

Nîûndû wa wîtîkio Iburahimu etwa nî Ngai nîwathîkire. Ngai nîwerire Iburahimu aume athiî vûrûrirî ûrîa aamwîrîrîte nî akaamûva. Iburahimu nîwatigire vûrûri wake, nwatî ndaamenyaga kûrîa aathiîte.

Ahib 8:9

Gîtikeethîrwa gîkariî ta kîrîkanîro kîrîa nathondekire na methe mao ma tene, mûthenya ûrîa namocire na njara, ngîmaruta vûrûri wa Misiri. Nîmaaregire gûtuîka evokeku kûrî kîrîkanîro kîrîa nathondekire nao, kwoguo nînamatiganîrie.”

Josh 24:24

Nao andû a Isiraeli nîmeerire Joshua atîrî, “Tue tûgatungatagîra Ngai-Mûnene, Ngai wetû na tûkaathîkagîra maathani make.”

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.