Ntha 19:24 - ÎVUKU RÎA ÛVORO MWARO

²⁴ Ngai-Mûnene nîwacokerie Musa atîrî, “Nyûrûrûka ûthiî mûcoke mûke mûrî na Aroni. Nwatî athînjîri-Ngai na andû matiagîrîrwe nî kûvîtûka mûvaka maûkîte kûrî Nie. Mangîvîtûka mûvaka nîngaamaverithia.”

Ntha 19:24 ပူးပေါင်းရင်းမြစ်များ

1Maû 13:9

Vîndî îrîa maakinyire varîa vaavûragîrwa ngano kûu Kidoni, ndegwa nîciavîngirwe. Uza nîwakûnjûrire njara yake na akînyitîrîra îthandûkû rîa kîrîkanîro.

Ntha 19:12

Nawe ûgeekîra mîvaka kûthiûrûrûkîria kîrîma nîguo andû matigakîre. Îra andû memenyerere gûtikagîe mûndû ûkunûkia kîrîmarî kana agîkuvîvîrie. Mûndû wa wonthe ûgaakuvîvîria kîrîma nîakaaûragwa.

Ntha 19:25

Kwoguo Musa nîwanyûrûrûkire kûrî andû na akîmera ûrîa Ngai-Mûnene aaugîte.

Ntha 24:1

Ngai-Mûnene nîwacokire akîra Musa atîrî, “Unûkia ûke kîrîmarî varî nie, we na Aroni na Nadabu na Abihu, na atongoria mîrongo mûgwanja a Isiraeli. Na mûrî wa varaca mwînamîrîre na mûngooce.

Ntha 24:9

Nao Musa, Aroni, Nadabu, Abihu, na atongoria mîrongo mûgwanja a Isiraeli nîmaaunûkirie kîrîmarî

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Mathaayo 11:12

Kuuma vîndî îrîa Johana Mûvatithania aambîrîrie kûvunjia nginya ûmûnthî, Ûthamaki wa Îgûrû nîwîthîrîtwe ûkîtharîkîrwa na vinya, na andû arîa matûmagîra vinya nîmageragia gûûcunana na vinya.

Luka 13:24

“Geragiani mûno gûtonyerera mûromorî ûrîa mûceke. Nîûndû nîramwîra na ma atî, andû eengî nîmakaageria gûtonya na matikaavota.

Luka 16:16

“Maûndû marîa mandîkîtwe Wathorî wa Musa na mavukurî ma arathi nîmaavunjirue nginya vîndî ya Johana Mûvatithania. Kuuma vîndî îo, Ûvoro Mwaro wa Ûthamaki wa Ngai nî ûvunjagua, na mûndû wa wonthe nî ageragia na vinya ûrîa angîtonya kuo.

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Aroma 4:15

Watho ûretaga marakara ma Ngai, nwatî kûrîa gûtarî watho gûtirî ûvoro wa kûregana na Watho.

Agal 3:19

Watho warî wakî? Watho wongerererwe kûrî kîrîkanîro nîguo wonanie maûndû marîa macûku nginya rîrîa rûciaro rwa Iburahimu rûgaûka, rûrîa rwerîrîtwe kîîranîro kîu. Watho wanenganîrwe kûvîtûkîrîra kûrî Araika na kûrî mûndû ûrîa wegwithanagia andû na Ngai.

Agal 3:22

Nwatî mandîko matheru maugaga atî andû onthe a nthî marî rungu rwa vinya wa mevia. Kwoguo kîveo kîrîa kîranîrîtwe nî ûndû wa gwîtîkia Jesû Kristû nîkîvecanagwa kûrî andû arîa metîkîtie.

Ahib 12:29

nîûndû Ngai wetû nî mwaki ûrîa ûvîvagia ûkathiria.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.