Ntha 19:19 - ÎVUKU RÎA ÛVORO MWARO

¹⁹ Naguo mûgambo wa karumbeta nîwathiîre na mbere wa ûkînenevaga. Musa nîwaririe, na Ngai akîmûcokeria na mûgambo ta wa ngwa.

Ntha 19:19 ပူးပေါင်းရင်းမြစ်များ

Nehemia 9:13

Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Thaburi 81:7

Vîndî îrîa mwarî mathînarî nîmwangaîre na ngîmûvonokia. Naamûcokerie nîîthithîte mûgamborî wa ngwa. Naamûgererie manjîrî ma Meriba.

Ntha 19:13

Mûndû ûcio akaaûragwa na njîra ya kûrivwa na mathiga kana kûrathwa na mîguî na gûtirî mûndû ûkaamûnyita na njara. Wana ethîrwa nî andû kana nyamû nwanginya ikaaûragwa, nwatî vîndî îrîa karumbeta gakaavuvwa andû nîmakaaunûkia kîrîmarî.”

Ntha 19:16

Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Ndari 12:8

Mbaragia nake metho kwa metho, na mbaragia cararûkû ndagûtûmîra nthimo. Ke nîwîcî ûrîa mvana! Mwaregire gwîtigîra nîkî mûkîaria maûndû macûku megiî ndungata yakwa Musa?”

Gûco 4:36

Nîwatûmire mwîgue mûgambo wake arî kûu îgûrû nîguo amûthomithie, nakuo gûkû nthî nîwatûmire mwone mwaki wake mûnene na mûkîgua mûgambo wake ûrî mwakirî ûcio.

Gûco 5:22

“Mama nîmo maathani marîa Ngai-Mûnene aamûveere muonthe rîrîa mwacemanîtie kîrîmarî. Rîrîa aaririe na mûgambo mûnene arî mwakirî, matuurî na nduma nene, ndongerera Maathani mengî tiga mama. Nîwacokire akîandîka Maathani mau ivengererî igîrî cia mathiga na akînengera cio.

Ahib 12:19

Mûtirî mûregua mûgambo wa karumbeta na mûgambo ûkiugîrîria. Rîrîa andû a Isiraeli meegwire mûgambo ûcio, nîmaaugire matikwenda kwîgua mûgambo wîngî.

Ahib 12:21

Ûrîa andû moonire nîwatûmire manyitwe nî guoya mûno, nake Musa nîwaugire atîrî, “Nînîrainaina na ngetigîra!”