Ntha 19:17 - ÎVUKU RÎA ÛVORO MWARO

¹⁷ Musa nîwatongoririe andû makiuma varîa maambîte magema makîthiî gûcemania na Ngai. Nao nîmaarûngamire nthî ya kîrîma.

Ntha 19:17 ပူးပေါင်းရင်းမြစ်များ

Ntha 19:13

Mûndû ûcio akaaûragwa na njîra ya kûrivwa na mathiga kana kûrathwa na mîguî na gûtirî mûndû ûkaamûnyita na njara. Wana ethîrwa nî andû kana nyamû nwanginya ikaaûragwa, nwatî vîndî îrîa karumbeta gakaavuvwa andû nîmakaaunûkia kîrîmarî.”

Ntha 19:16

Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Ntha 19:18

Nakîo kîrîma kîonthe gîa Sinai nîgîakunîkîtwe nî ndogo nîûndû Ngai-Mûnene aanyûrûrûkîte arî mwakirî agîûka îgûrû rîa kîrîma. Nayo ndogo yaunûkagia ta ndogo ya îtogi rînene, na andû nîmaatetemaga nî guoya.

Alawi 9:5

Andû nîmaavirire mûromorî wa îgema rîa Ngai-Mûnene nyamû irîa Musa aathanîte, nao andû onthe a Isiraeli nîmaaûnganire vo nîguo magooce Ngai-Mûnene.

Ciîko 7:38

Musa ûcio nwake warî vamwe na andû a Isiraeli vîndî îrîa maagomanîte werûrî. Ke aarî kûu werûrî vamwe na methe metû ma tene na mûraika ûrîa wamwarîrie arî îgûrû Kîrîmarî gîa Sinai. Nake nîwamûkîre ndûmîrîri îrî mwoyo ya Ngai na agîtûkinyîria yo.

Gûco 4:10

Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Gûco 4:11

“Meereni ûrîa mwathiîre na mûkîrûngama nthî ya kîrîma gîa Sinai. Nakîo kîrîma kîu nîgîakunîkirwe nî matu mairû na mwaki warîrîmbûkaga nginya matuurî.

Gûco 5:5

Nie nînarûngamire gatagatî ka Ngai-Mûnene namue nîguo nîmûmenyithie ûrîa aaugaga nîûndû nîmwetigagîra mwaki na mûtingîavotire kûthiî kîrîmarî îgûrû. “Ngai-Mûnene nîwaugire atî,