Ntha 19:11 - ÎVUKU RÎA ÛVORO MWARO

¹¹ na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 19:11 ပူးပေါင်းရင်းမြစ်များ

Kîam 11:5

Ngai-Mûnene nîwaûkire nthî kwona îtûûra na nyomba îo ndaca andû maatumîte,

Nehemia 9:13

Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Thaburi 144:5

We Ngai-Mûnene vingûra matû maku na ûnyûrûrûke nthî; vutia irîma nîguo irute ndogo!

Thaburi 18:9

Nîwavingûrire îgûrû na akînyûrûrûka nthî; aakinyîte matu mairû na magûrû make.

Ntha 19:16

Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Ntha 19:18

Nakîo kîrîma kîonthe gîa Sinai nîgîakunîkîtwe nî ndogo nîûndû Ngai-Mûnene aanyûrûrûkîte arî mwakirî agîûka îgûrû rîa kîrîma. Nayo ndogo yaunûkagia ta ndogo ya îtogi rînene, na andû nîmaatetemaga nî guoya.

Ntha 19:20

Ngai-Mûnene nîwanyûrûrûkire akîthiî kîrîmarî gîa Sinai îgûrû na agîîta Musa athiî vo. Musa nîwaunûkirie,

Ntha 24:16

Naguo riiri wa Ngai-Mûnene nîwanyûrûrûkire ûgîûka kîrîmarî kîu. Narîo îtu nîrîekarire rîkunîkîrîte kîrîma mîthenya îtandatû. Na mûthenya wa mûgwanja Ngai-Mûnene arî îtuurî rîu nîwetire Musa.

Ntha 24:17

Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Ntha 34:2

Rûciû kîraûko ûkeevarîria, na unûkie kîrîmarî gîa Sinai tûgacemanie nawe vau îgûrû.

Ntha 34:5

Ngai-Mûnene nîwanyûrûrûkire arî îtuurî, akîrûngama vakuvî na Musa vau kîrîmarî îgûrû na akîgweta rîîtwa rîake, Ngai-Mûnene.

Ndari 11:17

Nîngûnyûrûrûka vo twarie nawe na mboce gîcunjî Kîam roho ûrîa nakûveere nîmave nîguo magûtethagîrîrie gûtongoria andû aya ndûkamatongorie ûrî wenga.

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Johana 6:38

Nie naumire îgûrû ngîûka gûkû nthî nîguo mvingie wendi wa ûrîa wandûmire, nwatî tî wendi wakwa.

Gûco 33:2

Augire atî: Ngai-Mûnene aaumire kîrîmarî gîa Sinai; aatumîrîre ta riûa kuuma kîrîmarî Kîam Edomu, na akîarîra andû ake arî kîrîmarî gîa Parani. Aaûkire arî na araika ngiri makûmi meengî, aanyitîte rûrîrîmbî rwa mwaki na njara.

Gûco 4:10

Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Josh 3:5

Joshua nîwacokire akîra andû atîrî, “Îîtherieni nîûndû rûyû Ngai-Mûnene nîageka maûndû ma magegania gatagatîrî kenyu.”