Ntha 18:19 - ÎVUKU RÎA ÛVORO MWARO

¹⁹ Rîu ka ngûtaare na Ngai ethîrwe arî vamwe nawe. Nîkwagîrîrîte ûtuîke mûtongoria wa andû aya na ûvirage mateta mao mbere ya Ngai.

Ntha 18:19 ပူးပေါင်းရင်းမြစ်များ

Kîam 39:2

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

2Sam 14:17

Nîreîraga atî ûrîa mwathi wakwa ûkambîra nîguo ûgatûma mvorere, nîûndû mûthamaki ekariî ta mûraika wa Ngai na nwa avote gûkûûrana gatagatî ka ûndû mwaro na ûndû mûcûku. Ngai-Mûnene, Ngai waku aroekara nawe!”

Ntha 18:15

Musa nîwacokerie mûthoniwe atîrî, “Nwanginya mbîke ûguo nîûndû andû maûkaga kûrî nie nîguo mamenye wendi wa Ngai.

Ntha 18:20

Mathomithagie maathani na mawatho ma Ngai na ûmataaragîrie ûrîa magîrîrwe nî gûtûûra wana gwîka.

Ntha 18:24

Kwoguo Musa nîwegwire mataaro ma mûthoniwe,

Ntha 20:19

na makîra Musa atîrî “Aria natue na nîtûkwîgua, nwatî ndûkareke Ngai aria natue nîguo tûtigakue.”

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 4:12

Thiî rîu! Nîngaagûtethia kwaria na nîngaakwîra ûrîa ûkaauga.”

Ntha 4:16

Aroni nîke ûkaarîria andû vandûrî vaku. Nawe ûgaatuîka ta Ngai na ûmwîrage ûrîa akuga.

Nthi 9:9

Thomithia mûndû mûûgî, na nîakaaûvîga makîria. Thomithia mûndû mûthingu na nîakoongerera ûmenyo.

Ndari 27:5

Musa nîwavirire mateta mao kûrî Ngai-Mûnene.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Gûco 5:5

Nie nînarûngamire gatagatî ka Ngai-Mûnene namue nîguo nîmûmenyithie ûrîa aaugaga nîûndû nîmwetigagîra mwaki na mûtingîavotire kûthiî kîrîmarî îgûrû. “Ngai-Mûnene nîwaugire atî,

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”