Ntha 18:1 - ÎVUKU RÎA ÛVORO MWARO

¹ Jethiro mûthînjîri-ngai wa Midiani aarî îthe wa mûka wa Musa. Ke nîwegwire ûrîa wonthe Ngai eekîte Musa na andû a Isiraeli rîrîa aamarutire vûrûri wa Misiri.

Ntha 18:1 ပူးပေါင်းရင်းမြစ်များ

Thaburi 105:43

Kwoguo nîwatongoririe andû ake makiuma vûrûrirî, andû ake maaumire kuo makinaga marî na gîkeno.

Thaburi 105:5

Ririkanani maûndû ma magegania marîa eekire, ciama ciake na ûrîa aaririe ûvoro wa gûtucanîra ciira.

Thaburi 106:2

Nîûrîkû ûngîtaarîria maûndû manene marîa Ngai-Mûnene ekîte? Nîûrîkû ûngîvota kûmûkumia ûrîa kwagîrîrîte?

Thaburi 34:2

Nîngumagia Ngai-Mûnene nîûndû wa ûrîa ekîte; tiga andû arîa avinyîrîrie megue na makene!

Thaburi 44:1

Tue nîtwîguîte na matû metû, we Ngai, methe metû nîmatwîrîte, maûndû marîa wekire vîndî yao, marîa wekire vîndî ya tene:

Thaburi 78:4

Tûtikaathitha ciana cietû maûndû mau, nîtûkera njiarwa irîa igaaûka ûvoro wîgiî vinya wa Ngai-Mûnene na maûndû manene na ma magegania marîa ekîte.

Ntha 2:16

erîtu mûgwanja a Jethiro nîmaaûkire kîthimarî gûtava manjî nîguo manyuithie ndîthia ya îthe. Jethiro aarî mûthînjîri-Ngai wa Midiani.

Ntha 2:18

Vîndî îrîa maacokire kûrî îthe, nîwamaûririe atîrî, “Nîkwa ûmûnthî mwacoka na îvenya atîa?”

Ntha 2:21

Musa nîwetîkîrire gûtûûra kwa Jethiro. Jethiro nîwacokire akîva Musa mwîrîtu wake wetagwa Zipora atuîke mûka,

Ntha 3:1

Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

Ntha 4:18

Nake Musa nîwacokire kûrî mûthoniwe Jethiro na akîmwîra atîrî, “Nîngûkûria ûreke nthiî Misiri kûrî andû etû ngone kana marî wa mwoyo.” Nake Jethiro nîwetîkîre na akîmugîra ûvoro.

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Ndari 10:29

Musa nîwerire Hobabu, mûvîcî wa Jethiro, Mûmidiani (Jethiro aarî mûthoniwe wa Musa) atîrî, “Rîu tûthiîte vûrûrirî ûrîa Ngai-Mûnene aatwîrîre atî nîagaatûva. Ûka tûthiî nawe na tûgatûûrania waro; nîûndû Ngai-Mûnene nîerîrîte andû a Isiraeli maûndû maro.”

Ciîko 14:27

Na rîrîa Paûlo na Baranaba maakinyire Antiokia, nîmaacokanîrîrie andû a kanitha vamwe, na makîmeera maûndû monthe marîa Ngai eekîte na njîra yao. Nîmaamerire wana ûrîa Ngai aavete andû a ndûrîrî kanya ga gwîtîkia.

Ciîko 15:12

Nao andû acio onthe maarî mûcemaniorî ûcio nîmaakirire kivi na makîthikîrîria Paûlo na Baranaba makîvecana ûvoro wîgiî ciama cionthe na morirû marîa Ngai eekîte kûvîtûkîra kûrî o gatagatîrî ka andû a ndûrîrî.

Aroma 15:18

Ngaaragia tu nîrî na ûmîrîru ûvororî wîgiî ûrîa Kristû ekîte kûrî nie, akandûmîra nîguo andû a Ndûrîrî mathîkîre Ngai na njîra ya ciugo na ciîko ciakwa,

Josh 2:10

Nîtwîguîte ûrîa Ngai-Mûnene aatûmire manjî ma îria Îtune mavûa mbere yenyu rîrîa mwaumaga Misiri. Wana nîtwîguîte ûrîa mwaûragire athamaki a Amori, Sihoni na Ogu arîa maarî mwena wa îrathîro wa Jorodani.

Josh 9:9

Nao nîmaacokerie Joshua atîrî, “Mwathi wetû tue tumîte vûrûri wa kûraca mûno. Tûkîte nîûndû nîtwîguîte ngumo ya Ngai-Mûnene, Ngai wenyu. Nîtwîguîte ûvoro wa maûndû marîa monthe eekire vûrûrirî wa Misiri.

Atir 1:16

Njiarwa cia mûthoniwe wa Musa ûrîa warî Mûkeni, vamwe na andû a Juda nîciaumire Jeriko îtûûra rîa Mîkîndû na makîthiî werûrî wa Juda ûrîa ûrî Negebu vakuvî na Aradi. Kûu nîkuo maatûûranirie na Amaleki.

Atir 4:11

Vîndî îo Heberi ûrîa Mûkeni nîwatiganîte na Akeni arîa engî arîa maarî njiarwa cia Hobabu ûrîa warî mûthoniwe wa Musa. Heberi aambîte îgema rîake mûtîrî wa mûvuru vau zananimu vakuvî na Kedeshi.