Ntha 16:8 - ÎVUKU RÎA ÛVORO MWARO

⁸ Musa nîwacokire akîmera atîrî “Ngai-Mûnene nîke ûkaamûva nyama cia kûrîa kîvwaî na amûve mîgate ya kwîgana kîraûko. Ke nîwîguîte mateta menyu, nîûndû rîrîa mûratûtetia nî Ngai-Mûnene mûratetia.”

Ntha 16:8 ပူးပေါင်းရင်းမြစ်များ

Ntha 16:12

“Nîmbîguîte mateta ma andû a Isiraeli. Meere atî, kîvwaî makaarîcaga nyama na kîraûko makarîa mîgate wa îrîa makwenda. Nao nîmakaamenya atî nînie Ngai-Mûnene Ngai wao.”

Ntha 16:9

Musa nîwerire Aroni atîrî, “Îra andû onthe a Isiraeli maûke vakuvî na Ngai-Mûnene nîûndû ke nîwîguîte mateta mao.”

Ntha 17:2

Andû nîmaambîrîrie gûtetia Musa makîmwîraga atîrî, “Tûve manjî ma kûnyua.” Nake Musa nîwamacokerie atîrî, “Mûrateta nîkî? Nîndûî kîratûma mûgerie Ngai-Mûnene?”

Isaia 32:6

Nîûndû irimû ciaragia ûrimû, na meciria ma cio mavangaga maûndû macûku. Mekaga maûndû matarî ma ûngai, maragia maûndû ma gûcambia Ngai-Mûnene. Matigaga andû arîa avûtu matarî avau, na makaima arîa anyondu gîa kûnyua.

Isaia 37:29

Nîûndû nîûndakarîrîte, na nîmbîguîte ûvoro wa mwîtîîo waku, nîngwîkîra ndûano yakwa îniûrûrî rîaku, na mbîkîre gîcûvî gîakwa kanyuarî gaku, na ngûcokie na njîra îrîa waûkire nayo.”

Ndari 11:18

Coka wîre andû atîrî, ‘Îîtherieni nîûndû rûyû nîmûkaarîa nyama. Kîrîro kîenyu nîgîkinyîrîte Ngai-Mûnene. Mwîthîrîtwe mûkîrîrîra Ngai-Mûnene mûkiugaga atî mûrenda kûrîa nyama nîûndû Misiri kwarî kwaro gûkîra gûkû. Rîu Ngai-Mûnene nîakûmûva nyama mûrîe.

Ndari 14:27

“Nî nginya rî andû aya aganu magûtûûra matetaga nîûndû wakwa? Nîmbîguîte ûrîa andû a Isiraeli methîrîtwe magîteta nîûndû wakwa!”

Ndari 21:7

Nao andû nîmaathiîre kûrî Musa na makîmwîra atîrî, “Nîtwîvirie rîrîa tûreganire na Ngai-Mûnene na twaregana nawe. Rîu voya Ngai-Mûnene nîguo atûthengutirie njoka ino.” Kwoguo Musa nîwavoere andû.

Mathaayo 10:40

“Mûndû wa wonthe ûmûgwataga ûgeni nînie agwataga ûgeni; na mûndû wa wonthe ûngwataga ûgeni agwataga ûgeni ûrîa wandûmire.

Mathaayo 9:4

Nwatî Jesû nîwamenyire maûndû marîa meciragia, nake nîwamaûririe atîrî, “Nîndûî gîtûmaga mwîcirie maûndû macûku ngororî cienyu?

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Johana 13:20

Nie nîramwîra ûvoro wa ma atî, mûndû wa wonthe wamûkagîra mûndû ûrîa ndûmîte wa nanie nîanyamûkagîra. Nake mûndû wa wonthe ûnyamûkagîra nîwamûkagîra ûrîa wandûmire.”

Aroma 13:2

Kwoguo andû arîa mareganaga na wathani ûrîa ûrî kuo, methagîrwa mareganîte na wathani ûrîa Ngai avecanîte. Arîa mekaga ûguo nîmagaatuîrwa na maverithue.

1Akor 10:10

Tue tûtiagîrîrwe nî gûteta ta ûrîa andû amwe gatagatîrî kao meekire na makîthirua nî Mûraika wa Ngai aumîte îgûrû.

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

1Sam 8:7

nake Ngai-Mûnene akîîra Samueli atîrî, “Îtîkîra maûndû monthe marîa andû magûkwîra, nîûndû we tîwe maregete. Nie nînie maregete nduîke mûthamaki wao.