Ntha 15:27 - ÎVUKU RÎA ÛVORO MWARO

²⁷ Vuvarî andû a Isiraeli nîmaakinyire vandû vetagwa Elimu. Vandû vau vaarî na ithima cia manjî îkûmi na mîtî ya mîkîndû mîrongo mûgwanja. Nao nîmaambire magema mao vau vakuvî na manjî.

Ntha 15:27 ပူးပေါင်းရင်းမြစ်များ

Thaburi 23:2

Nîatûmaga mvurûke kûrîa kûrî na nyaki mbîthî, na nîandongoragîria kûrîa kûrî na manjî matheru.

Ntha 16:1

Andû onthe a Isiraeli nîmaaumire Elimu. Na mûthenya wa îkûmi na îtano wa mweri wa kaîrî kuuma mauma Misiri, nîmaakinyire werûrî wa Sini ûrîa ûrî gatagatî ka Elimu na Sinai.

Isaia 12:3

Nîûgaatava manjî ûkenete, kuuma ithimarî cia ûvonokio.”

Ezek 47:12

Ndereerî cia rûnjî rûu mîena yoîrî nîgûgaakûra mîtî ya mîthemba yonthe ya matunda ma kûrîwa. Mîtî îo îkethagîrwa îrî mîruru vîndî cionthe na nîgaciaraga matunda mweri wa mweri nîûndû wa manjî marîa manyûrûrûkaga kuuma hekarûrî. Matunda mayo nî ma kûrîa na mathangû mayo nî ma kûvonia andû arîa arwaru.”

Ndari 33:9

Mauma Mara nîmaathiîre nginya Elimu na magîkara kuo. Kûu Elimu kwarî na ithima îkûmi na igîrî (12) cia manjî na mîkîndû mîrongo mûgwanja (70).

Kûguû 22:2

Rwanyûrûrûkîte rûthiîrîrîte gatagatî ka varavara ya îtûûra rîu rînene. Mîena yoîrî ya rûnjî rûu nîkwamerete mûtî wa matunda ma mwoyo. Mûtî ûcio nîûciaraga matunda maita îkûmi na maîrî wa mwaka, na riita rîmwe wa mweri. Namo mathangû ma mûtî ûcio nîmatumagîrwa nî andû a ndûrîrî cionthe kûvonia mîrimû.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”