Ntha 15:25 - ÎVUKU RÎA ÛVORO MWARO

²⁵ Nake Musa nîwavoire Ngai-Mûnene, na Ngai-Mûnene akîonia Musa mûtî akîmwîra awikie manjîrî. Namo manjî nîmaatuîkire maro ma kûnyua. Vau Mara nîvo Ngai-Mûnene aamaveerere mawatho ma kûrûmagîrîra na nwavo aamagererie.

Ntha 15:25 ပူးပေါင်းရင်းမြစ်များ

2Atha 2:21

Elisha nîwacokire akîthiî kîthimarî Kîam manjî, agikia cumbî kîthimarî kîu na akiuga atîrî, “Ngai-Mûnene augîte, atî ‘nînatheria manjî mama, na kuuma ûmûnthî kûthiî na mbere makethagîrwa marî maro na matigaatûma kûgîa gîkuû, na ndîthia ciakuo na andû matikavuna.’ ”

2Atha 4:41

Elisha nîwetirie mûtu, akîwîkîra nyûngûrî îo yarî na irio, agîcoka akîra ndungata ciîvûrîre arathi irio marîe. Vîndî îo irio itiarî ndûrû.

2Atha 6:6

Elisha nîwaûririe mûndû ûcio atîrî, “Rîagwa va?” Nake mûndû ûcio nîwonirie Elisha varîa îthanwa rîu rîagwîte. Elisha nîwatemire kamûtî, agîgaikia vau îthanwa rîagwîte na îthanwa rîkîerere manjîrî.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 66:10

We Ngai, nîûtûthimîte; nîûtûgeretie ta ûrîa sîlûva îtheragua na mwaki.

Thaburi 81:7

Vîndî îrîa mwarî mathînarî nîmwangaîre na ngîmûvonokia. Naamûcokerie nîîthithîte mûgamborî wa ngwa. Naamûgererie manjîrî ma Meriba.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Ntha 14:10

Vîndî îrîa andû a Isiraeli moonire mûthamaki wa Misiri na mbûtû yake ya mbaara mathiîte kûrî o, nîmetigîre na makîrîrîra Ngai-Mûnene amatethie.

Ntha 16:4

Ngai-Mûnene nîwacokire akîra Musa atîrî, “Nie nîngûmûnyûrûrûkîria mîgate kuuma îgûrû yure ta mbura. Na wa mûthenya mûndû akathiîcaga akaûngania irîa ikûmwîgana mûthenya ûcio. Ûguo nîguo ûgaatûma menya kana makaambathîkagîra.

Ntha 17:4

Kwoguo Musa nîwathaithire Ngai-Mûnene akîmwîra atîrî, “Nîmbîka andû aya atîa? Rîu marî vakuvî kûndiva na mathiga.”

Ntha 20:20

Nake Musa nîwerire andû a Isiraeli atîrî, “Tigani kwîgua guoya, nîûndû Ngai aûkîte kûmûgeria na atûme mûmwathîkagîre nîguo mûtikevie.”

Nthi 17:3

Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 9:7

Kwoguo Ngai-Mûnene mwene vinya wonthe arauga atîrî, “Taroria andû akwa nî evia, nîngûmatheria na nîmagerie, nîûndû gûtirî ûndû wîngî nîngîmeka.

Ezek 47:7

Rîrîa nacokaga nînonire mîena yoîrî ya karûnjî kûrî na mîtî mîngî.

Ezek 47:8

Nîwambîrire atîrî, “Manjî mama manyûrûrûkaga mavîtûkagîra vûrûrirî wa mwena wa îrathîro mathiîte Kîamndarî Kîam Jorodani. Na makinya îriarî rîa cumbî nîmatûmaga manjî ma îria rîu matuîka maro.

1Akor 1:18

Nîûndû Ndûmîrîri îrîa îgiî gûkua gwa Kristû mûtharavarî nî ûrimû kûrî arîa maraûra, nwatî kûrî tue arîa tûravonokua ndûmîrîri îo nîyo vinya wa Ngai.

Gûco 13:3

mûtikathikîrîrie mûrathi ûcio kana mûroti ûcio, nîûndû Ngai-Mûnene Ngai wenyu nîke ûramûgeria nîguo amenye kana nîmûmwendete na ngoro yonthe na mwoyo wonthe.

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Atir 2:22

Ngaavûthîra ndûrîrî icio kûgeria Aisiraeli nîguo menye kana makambathîkagîra ta ûrîa methe mao ma tene meekaga.”

Atir 3:1

Ngai-Mûnene nîwatigire ndûrîrî imwe vûrûrirî wa Kanaani nîguo agerie Aisiraeli nacio arîa mataarî arûu mbaara irîa ciarî Kanaani.

Atir 3:4

Ngai-Mûnene aatigîte andû a ndûrîrî nîguo agerie andû a Isiraeli amenye kana nwa mathîkîre maathani marîa aaveere methe mao ma tene kûvîtûkîrîra kûrî Musa.