Ntha 15:18 - ÎVUKU RÎA ÛVORO MWARO

¹⁸ We Ngai-Mûnene nîûtûûra ûrî mûthamaki tene na tene.”

Ntha 15:18 ပူးပေါင်းရင်းမြစ်များ

Kîam 21:33

Iburahimu nîwavandire mûtî ûrîa wîtagwa mûkarakaba vau Beerisheba na akîgooca Ngai-Mûnene, Ngai ûrîa ûtûûraga mwoyo arî vo.

Thaburi 10:16

Ngai-Mûnene nî mûthamaki tene na tene, andû arîa magoocaga ngai ciîngî nî makaathira vûrûrirî wake.

Thaburi 146:10

Ngai-Mûnene nîatûûra aathanaga, Ngai wenyu mue andû a Zayuni akathanaga vîndî cionthe. Kumiani Ngai-Mûnene!

Thaburi 29:10

Ngai-Mûnene nîke wathaga îria, ke atûûraga arî mûthamaki tene na tene.

Thaburi 9:8

Atucagîra nthî na ûthingu, atucagîra mavûrûri na kîvooto.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 4:3

Ciama ciake nî nene na morirû make marî vinya mûno. Ûthamaki wake nî wa tene na tene na nîatûûra athanaga njiarwa na njiarwa.

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Gûco 33:5

Ngai-Mûnene nîke watuîkire mûthamaki wa andû ake a Isiraeli, vîndî îrîa mîvîrîga na atongoria a andû a Isiraeli maagomanîte vamwe.