Ntha 15:10 - ÎVUKU RÎA ÛVORO MWARO

¹⁰ Nwatî rîrîa rûkûngi rwaku rwavurutanire we Ngai-Mûnene, andû a Misiri maakunîkirwe nî îria. Maaûrîre manjîrî meengî ta ûrîa cuuma yûragîra.

Ntha 15:10 ပူးပေါင်းရင်းမြစ်များ

Kîam 8:1

Nake Ngai nîwaririkanire Nuhu, nyamû cia kîthakarî, na ndîthia cionthe irîa aarî nacio thabinarî. Nîwatûmire rûkûngi rûvurutane nginya nyûnjî ikîambîrîria kûvwa.

2Sam 18:8

Mbaara nîyatambire vûrûrirî wonthe na andû eengî nîmaakuîrîre mûtitûrî makîria ya arîa maaûragîrwe mbaararî.

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Thaburi 135:7

Nîke ûtûmaga matu mambate kuuma mîthiia yonthe ya nthî, nîke ûtûmaga mveni ivenie rîrîa gûkura, na akaruta rûkûngi kuuma makûmbîrî make.

Thaburi 147:18

Nîacokaga akathana na îkararûka, nîatûmaga rûvuvo rûvurutane, na manjî mathiî.

Ntha 14:21

Musa nîwacokire akîambararia njara yake îgûrû rîa Îria. Nake Ngai-Mûnene nîwatûmire manjî ma îria macokue na vuva nî rûkûngi rûnene rûrîa rûvurutanaga rumîte mwena wa îrathîro. Naruo rûkûngi rûu rwavurutanire ûtukû wonthe na rûgîtûma îria rîtuîke nthî nyûmû. Manjî nîmaagaûkanire.

Ntha 15:5

Maakunîkîrwe nî manjî ma îria îriku, maavorokeere nginya gîtina Kîam îria ta îthiga.

Nthi 30:4

Nîûrîkû wanaunûkia îgûrû na agîcoka kûnyûrûrûka gûkû nthî? Nîûrîkû wanakumbatîria rûkûngi na ngundi yake? Nîûrîkû wanovania manjî na nguo? Nîûrîkû wathondekire mîthiia yonthe ya nthî? Etagwa atîa, na mûvîcî etagwa atîa? Mbîra na ma ethîrwa nîwicî!

Isaia 11:15

Ngai-Mûnene nîaakanyarithia Îria Îtune, na arete rûkûngi rûviû nîguo rûnyarithie rûnjî rwa Farati, na arûgaanie rûtuîke tûrûnjî mûgwanja, nîguo andû maringage na magûrû.

Jeremia 10:13

Vîndî îrîa aruta mûgambo manjî marîa marî îgûrû nîmarurumaga, na nîke ûtûmaga matu mambate kuuma mîthiia ya nthî. Atûmaga rûveni rûvenie rîrîa kûraura, na agatûma rûkûngi rûke rumîte kûrîa rwîkaraga.

Jeremia 46:17

“Îta Faraû mûthamaki wa Misiri rîîtwa rîrî, ‘Mûndû wa înegene rîa mana.’

Amosi 4:13

Ngai nîke waûmbire irîma na akîûmba mvuvo. Nîke ûmenyithagia mûndû meciria make, na nîke ûtûmaga mûthenya ûtuîke ûtukû. Athiîcagîrîra nthî kûrîa gûtûgîru. Rîîtwa rîake nî Ngai-Mûnene, Mwene vinya wonthe.

Mathaayo 8:27

Nao andû onthe nîmaamakire mûno na makîûria atîrî, “Mûndû ûyû nî wa mûthemba ûrîkû, ûyû ûrathîkîrwa nî rûkûngi wana îria?”

Gûco 11:4

Nîmwonire ûrîa Ngai-Mûnene eekire athigari a Misiri wa vamwe na mbarathi na ikaari ciao cia mbaara. Nîwatûmire maûrîre Îriarî Îtune mamûkinyîrîte na makîthira viû.