Ntha 14:31 - ÎVUKU RÎA ÛVORO MWARO

³¹ Vîndî îrîa andû a Isiraeli moonire vinya mûnene ûrîa Ngai-Mûnene aavootire andû a Misiri naguo, nîmeetigîre Ngai-Mûnene, makîmwîtîkia na magîtîkia ndungata yake Musa.

Ntha 14:31 ပူးပေါင်းရင်းမြစ်များ

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

Nehemia 9:9

“Nîwonire ûrîa methe metû ma tene maathînîkire marî Misiri; nîwegwire magîgûkaîra marî îriarî îtune nîguo ûmatethie.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Ntha 19:9

Ngai-Mûnene nîwacokire akîra Musa atîrî, “Taroria! Nîngûka kûrî we nîrî îtuurî rînene mûno. Na vîndî îrîa ngakwarîria andû nîmakaaîgua ngîkwarîria nao nîmagaatûûra magwîtîkîtie nginya tene na tene.” Musa nîwerire Ngai-Mûnene rîngî ûrîa andû maaugîte,

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Luka 8:13

Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Johana 11:45

Ayahudi eengî arîa maathiîte gûcerera Mariamu nîmoonire ûrîa Jesû eekire na makîmwîtîkia.

Johana 2:11

Jesû aaringire Kîamma gîkî Kîam mbere, arî Kaana ya Galili. Kûu nîkuo oonanirie riiri wake, na arutwa ake makîmwîtîkia.

Ciîko 8:13

Simoni wanake nîwetîkirie. Nake arîkia kûvatithua nîwaumire Filipu vuva na akîmaka mûno vîndî îrîa oonire maûndû ma magegania na ciama irîa Filipu aaringaga.

Ahib 3:5

Musa aarî mwîvokeku maûndûrî monthe arî ndungata nyombarî ya Ngai. Ke nîwaririe ûvoro wîgiî maûndû marîa Ngai akaaria mavinda marîa magaaûka.

Josh 24:7

Nanie nînekîrire nduma gatagatî ka andû a Misiri na a Isiraeli. Nînatûmire îria rîkunîkîre andû a Misiri na nîmaaûrîre manjîrî. Mue nîmwicî ûrîa nekire andû a Misiri. “ ‘Mue nîmwatûûrire werûrî kavinda karaca.

Josh 4:14

Mûthenya ûcio Ngai-Mûnene nîwekire ûndû wa gûtûma Joshua aneneve methorî ma andû onthe a Isiraeli. Nao nîmeekarire makîmûvecaga gîtîîo ûtûûrorî wake wonthe wata ûrîa mavecaga Musa.

Josh 4:24

Kwoguo andû onthe a nthî nwa mamenye ûrîa Ngai-Mûnene arî vinya mûnene, na andû nîmagîrîrwe nî kûmûvecaga gîtîîo vîndî cionthe.”

1Sam 12:16

Kwoguo rûngamani mûkirîrîrîtie na nî mûwîyonera na metho menyu ûrîa Ngai-Mûnene agwîka ûndû mûnene.

1Sam 12:18

Kwoguo Samueli nîwavoire kûrî Ngai-Mûnene, nake Ngai-Mûnene akîrete ngûa na akiurithia mbura mûthenya wa ûcio. Nao andû onthe nîmeetigîre Ngai-Mûnene na Samueli