Ntha 14:25 - ÎVUKU RÎA ÛVORO MWARO

²⁵ Nîwatûmire magûrû ma ngari ciao cia mbarathi maremera, na kwoguo nîmaagîre na thîna wa kûthiî mbere. Nao andû a Misiri nîmaaugire atîrî, “Ngai-Mûnene ararûa natue akîrûîrîra andû a Isiraeli. Nîtûre tuume varî o!”

Ntha 14:25 ပူးပေါင်းရင်းမြစ်များ

2Maû 20:29

Mothamaki ma mavûrûri monthe marîa megwire ûrîa Ngai-Mûnene aavootete nthû cia Isiraeli nîmeetigîre Ngai.

Nehemia 4:14

Nînaroririe ngîona atî andû maarî amaku mûno. Kwoguo nînameerire wa vamwe na atongoria na anene ao atîrî, “Mûtikamakue nî nthû cietû. Ririkanani ûrîa Mwathani arî mûnene na arî vinya na mûrûîrîre andû enyu, ciana cienyu, aka enyu, na mîciî yenyu.”

Nehemia 6:16

Rîrîa nthû cietû cionthe na ndûrîrî irîa ciatûthiûrûrûkîrîtie ciegwire atî wîra wa gûtuma rîngî rûthingo nî mûrîku, nîmaamakire na makîgua maconokete mûno. Nîmaacokire makîmenya atî nî Ngai ûtûtethetie kûruta wîra.

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Ayubu 11:20

Nwatî metho ma andû aganu nîmakaathira vinya, nîmakaarigwa nî njîra cionthe cia kûûrîra, kîîrîgîrîro Kîam o Kîam mûthiia nî gûkua.”

Ayubu 20:24

Akîgeria kûûrîra rûviû rwa cuuma, mûguî wa gîcango nîguo ûkamûratha.

Ayubu 27:22

Ageragia na njîra wa yonthe gwîtethûra kûrî ruo, nwatî rûmûvurutaga rûtarî na ntha.

Thaburi 35:1

We Ngai-Mûnene, regana na arîa mareganaga nanie, na ûrûe na arîa marûaga nanie!

Thaburi 46:9

Nîathiragia mbaara kûndû kuonthe gûkû nthî, nîaunangaga mota, na agacûkangia matumû, na nîavîvagia ngo na mwaki.

Thaburi 68:12

“Athamaki na athigari ao a mbaara nîmaraûra!” Aka arîa maarî mîciî nîmaagaanire indo irîa ciatavîtwe,

Thaburi 76:6

Rîrîa wamagûkirie, we Ngai wa Jakovu, mbarathi ciao na arîa mathiîcaga maitwîte nîmaagwîre na magîkua.

Ntha 14:14

Ngai-Mûnene nîakûmûrûîrîra na gûtirî na vata wa mwîke ûndû wana ûrîkû.”

Ntha 14:18

Na vîndî îrîa ngaamavoota, andû a Misiri nîmakaamenya atî nie nînie Ngai-Mûnene.”

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 15:3

Ngai-Mûnene nî njamba ya mbaara, rîîtwa rîake nî Ngai-Mûnene.

Isaia 31:4

Ngai-Mûnene aambîrire atîrî, “Wata ûrîa mûnyambû kana kaana ka mûnyambû ûraramaga ûnyitîte nyamû, wana gîkundi Kîam arîthi kîngîtwa kîthiî gîkaûtharîkîre, ndûngîmakua nî înegene rîao, kana wîgua guoya nî mîgambo yao.” Ûguo nîguo Ngai-Mûnene mwene vinya wonthe akaanyûrûrûka kûrûa arî kîrîmarî gîa Zayuni na nîrî karîmarî ga kîo.

Jeremia 51:21

Nîwe ndûmagîra kunanga mbarathi na arîa mathiîcaga maciîkarîrîte, na kunanga ikaari cia mbarathi na arîa maitwarithagia.

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Amosi 5:19

Nîta mûndû akîûra nî mûnyambû agacoka agatûngwa nî ngatûnyi, kana atonyete nyomba na agetira rûthingorî na njara îkarûmwa nî njoka.

Amosi 9:1

Nînonire Ngai-Mûnene arûngamîte metharî ya kîgongoona. Nake nîwathanire atîrî, “Ringa ciongo cia itugî cia hekarû na vinya mûno, nginya mîcingi yayo inaine, mîomomore îgwîre andû arîa marî kuo, na arîa magatigara nîngaamaûraga na rûviû. Gûtirî mûndû wa naarî ûmwe ûkauma kuo, gûtirî wanarî ûmwe ûkaûra.

Gûco 1:30

Ngai-Mûnene, Ngai wenyu nîakûmûtongoria, na amûrûîrîre, wata ûrîa mwonire agîka rîrîa mwarî Misiri,

Gûco 3:22

Mûtigetigîre athamaki acio, nîûndû Ngai-Mûnene, Ngai wenyu nîakaamûrûîrîra.’

Gûco 32:31

Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.

Josh 10:14

Gûtianagîa mûthenya wîngî mbererî kana vuva wa mûthenya ûcio, rîrîa Ngai-Mûnene aathîkîre mûndû. Ngai-Mûnene nîke warûîrîre andû a Isiraeli.

Atir 4:15

Rîrîa Baraki na athigari ake maatharîkîre Sisera, Ngai-Mûnene nîwatûmire Sisera na ikaari ciake cia mbaara vamwe na andû ake mavîngîcîke. Sisera nîwaumire ngarirî yake ya mbaara na akîûra na magûrû.