Ntha 14:22 - ÎVUKU RÎA ÛVORO MWARO

²² Nao andû a Isiraeli nîmaavîtûkîrîre nthî nyûmû îriarî, na manjî mavana ta nthingo igîrî, rûmwe mwena wao wa ûrîo na rûu rwîngî mwena wao wa ûmotho.

Ntha 14:22 ပူးပေါင်းရင်းမြစ်များ

2Atha 2:14

Nîwaringire manjî na nguo ya Elija na akîûria atîrî, “Ngai-Mûnene, Ngai wa Elija arî kû?” Nîwacokire akîringa manjî rîngî. Manjî nîmaagaûkanire maita maîrî, na Elisha akîthiî mûringo ûcio wîngî.

2Atha 2:8

Elija nîwacokire akîruta nguo yake ya îgûrû, akîmîkûnjakûnja na akîringa manjî nayo. Manjî nîmaagaûkanire maita maîrî na ke mwene na Elisha nîmaaringîre nthî nyûmû.

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Thaburi 106:9

Nîwathire îria îtune rînyaare, na rîkînyaara, aavîtûkîrîrie andû ake îriarî takwa marî nthî nyûmû.

Thaburi 136:13

Nîke wagaanirie îria îtune maita maîrî; nîûndû wendo wake ûtathiraga ûtûûraga tene na tene;

Thaburi 136:14

na agîtûma andû a Isiraeli mavîtûkîre gatagatî ka rîo; nîûndû wendo wake ûtathiraga ûtûûraga tene na tene;

Thaburi 66:6

Aagarûrire îria rîgîtuîka nthî nyûmû; andû nîmaaringire rûnjî na magûrû. Natue tûrî kûu nîtwakenire nîûndû wake.

Thaburi 74:15

We nîwatûmire kûgîe na ithima cia manjî na tûrûnjî, nîwatûmire nyûnjî irîa nene inyare.

Thaburi 78:13

Nîwagaanirie îria ûkîmavîtûkîrîria kuo, na agîtûma manjî marûngame ta rûthingo mîena yoîrî.

Ntha 14:29

Nwatî andû a Isiraeli maavîtûkîrîre îriarî kûrî nthî nyûmû, na nthingo cia manjî irî mîena yoîrî.

Ntha 15:19

Vîndî îrîa ngari cia mbarathi cia andû a Misiri, mbarathi ciacio na arîa maitwaraga ciakinyire îriarî, Ngai-Mûnene nîwatûmire manjî macokanîrîre magîkunîkîrwa nîmo. Nwatî andû a Isiraeli maavîtûkîrîre nthî nyûmû gatagatî ka îria.

Ntha 15:8

Na njîra ya mîvevû yaku manjî nîmeyûmbanîrîre makîrûngama ta rûthingo; kûrîa kûrikîru kwa îria gûgîtuîka kûndû kûnyaru.

Isaia 11:15

Ngai-Mûnene nîaakanyarithia Îria Îtune, na arete rûkûngi rûviû nîguo rûnyarithie rûnjî rwa Farati, na arûgaanie rûtuîke tûrûnjî mûgwanja, nîguo andû maringage na magûrû.

Isaia 11:16

Nîgûkaagîa na njîra nene yumîte Asîria, nîûndû wa andû ake arîa maatigarire kuo, wata ûrîa gwekîkire kûrî andû a Isiraeli rîrîa maaumaga Misiri.

Isaia 43:16

Ngai-Mûnene arauga atîrî, “Nînarûthire njîra îriarî, na ngîrûtha gacîra manjîrî meengî,

Isaia 51:10

Kinthî tîwe wavûîthirie îria, manjî ma îria rîrîa rînene, we ûrîa warûthire njîra îriarî kûrîa kûriku, nîguo arîa maarî akûre mavîtûkîrîre kuo?

Isaia 63:12

Ûrîa wekire maûndû manene na vinya wake na njîra ya Musa, ûrîa wagaanirie manjî ma îria, na agîtongoreria andû ake manjîrî mau mariku nîguo egîîre na îgweta rîa tene na tene arî kû?”

Isaia 63:13

Ngai-Mûnene aamatongorerie makîthiîra kûu kûriku ta mbarathi irî werûrî na matiavîngwa.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Ndari 33:8

Nîmaaumire Pi-hahirothi makîvîtûkîrîra Îria Îtune nginya werûrî wa Shuri. Vuva wa rûgendo rwa mîthenya îthatû kûu werûrî nîmaakinyire Mara na magîkara vo.

1Akor 10:1

Ariû na aarî a îthe wetû nîrenda mûririkane maûndû marîa meekîkire kûrî methe metû ma tene arîa maarûmîrîre Musa. Onthe nîmaakunîkîrwe nî îtu na rîkîmagitîra na makîringa îria Îtune.

Ahib 11:29

Wîtîkio nîguo watûmire andû a Isiraeli maringa îria îtune takwa maathiîrîrîte nthî nyûmû. Rîrîa andû a Misiri maageririe kûringa, onthe nîmaaûrîre manjîrî.

Josh 3:16

manjî marîa maanyûrûrûkaga nîmaarûngamire na makîyûmba vamwe. Maarûngamire varaca vandû vetagwa Adamu, îtûûra rîrîa rîrî vakuvî na Zarethani. Manjî nî maatigire kûnyûrûrûka îriarî rîa Cumbî, nao andû makîringîra nthî nyûmû vakuvî na Jeriko.

Josh 3:17

Nao athînjîri-Ngai arîa maakuuîte îthandûkû rîa kîrîkanîro Kîam Ngai-Mûnene nîmeekarire marûngamîte gatagatî ka rûnjî rwa Jorodani kûrîa manjî maavûîte nginya rîrîa andû onthe a Isiraeli maaringire.

Josh 4:22

nîmûkaamera ûrîa rûnjî rwa Jorodani rwatigire kûvîta na andû a Isiraeli makîringîra nthî nyûmû.

1Sam 25:16

Nîmaatûgitagîra ûtukû na mûthenya rîrîa rîonthe twethagîrwa tûrî nao tûkîrîthia ng'ondu.