Ntha 14:21 - ÎVUKU RÎA ÛVORO MWARO

²¹ Musa nîwacokire akîambararia njara yake îgûrû rîa Îria. Nake Ngai-Mûnene nîwatûmire manjî ma îria macokue na vuva nî rûkûngi rûnene rûrîa rûvurutanaga rumîte mwena wa îrathîro. Naruo rûkûngi rûu rwavurutanire ûtukû wonthe na rûgîtûma îria rîtuîke nthî nyûmû. Manjî nîmaagaûkanire.

Ntha 14:21 ပူးပေါင်းရင်းမြစ်များ

Kîam 8:1

Nake Ngai nîwaririkanire Nuhu, nyamû cia kîthakarî, na ndîthia cionthe irîa aarî nacio thabinarî. Nîwatûmire rûkûngi rûvurutane nginya nyûnjî ikîambîrîria kûvwa.

2Atha 2:8

Elija nîwacokire akîruta nguo yake ya îgûrû, akîmîkûnjakûnja na akîringa manjî nayo. Manjî nîmaagaûkanire maita maîrî na ke mwene na Elisha nîmaaringîre nthî nyûmû.

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Ayubu 26:12

Vinya wake nîwavorerie îria, na ûmenyo wake nîwacûkangirie njûnamatu îrîa îtagwa Rahabu.

Ayubu 38:24

Njîra ya kûthiî kûrîa ûtheri ûgayanagîrua nî îrîkû, kana kûrîa rûkûngi rwa îrathîro rûnyaganagîrua nthî yonthe?

Thaburi 136:13

Nîke wagaanirie îria îtune maita maîrî; nîûndû wendo wake ûtathiraga ûtûûraga tene na tene;

Thaburi 148:8

Mveni, mbura ya mbembe, mbaravu na mbaa, rûkûngi rûnene rûrîa rûvingagia watho wake!

Thaburi 66:6

Aagarûrire îria rîgîtuîka nthî nyûmû; andû nîmaaringire rûnjî na magûrû. Natue tûrî kûu nîtwakenire nîûndû wake.

Thaburi 74:13

We nîwagaanirie îria na vinya waku mûnene, na ûgîtombora ciongo cia njûnamatu irîa nene cia îriarî.

Thaburi 78:13

Nîwagaanirie îria ûkîmavîtûkîrîria kuo, na agîtûma manjî marûngame ta rûthingo mîena yoîrî.

Ntha 14:16

Ûkîrîria mûragi waku îgûrû na wambararie njara yaku îgûrû rîa îria. Manjî ma îria nîmakûgaûkana, na andû a Isiraeli nîmakûvota kûvîtûkîra nthî nyûmû.

Ntha 14:20

gîkîrûngama gatagatî ka athigari a mbaara a Isiraeli na athigari a mbaara a andû a Misiri. Narîo îtu rîu nîrîatûmire kûgîe nduma kûrî andû a Misiri, nwatî nîrîavere andû a Isiraeli ûtheri. Kwoguo athigari a mbaara a Misiri matingîavotire gûkuvîvîria athigari a mbaara a Isiraeli ûtukû ûcio wonthe.

Ntha 15:8

Na njîra ya mîvevû yaku manjî nîmeyûmbanîrîre makîrûngama ta rûthingo; kûrîa kûrikîru kwa îria gûgîtuîka kûndû kûnyaru.

Ntha 7:19

Nake Ngai-Mûnene nîwerire Musa atîrî, “Îra Aroni oce mûragi wake na akûnjûre njara yake îgûrû rîa nyûnjî cionthe cia Misiri, mîtaro ya manjî, maria monthe nîguo matuîke nthakame. Nakuo nîgûkaagîa nthakame vûrûri wonthe wa Misiri, indorî irîa ciîkagîrwa manjî cia mbaû wana cia mathiga.”

Isaia 23:11

Ngai-Mûnene nîatambarûkîtie njara yake îgûrû rîa îria, na akainainia mothamaki; nîarutîte watho atî kûrîa kuonthe kûgitîre Kanaani gûcûkangue.

Isaia 43:16

Ngai-Mûnene arauga atîrî, “Nînarûthire njîra îriarî, na ngîrûtha gacîra manjîrî meengî,

Isaia 44:27

Nînie mbugaga kûrîa kûrî manjî mariku kûvûe, na nîngaavûîthia nyûnjî cienyu.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 51:10

Kinthî tîwe wavûîthirie îria, manjî ma îria rîrîa rînene, we ûrîa warûthire njîra îriarî kûrîa kûriku, nîguo arîa maarî akûre mavîtûkîrîre kuo?

Isaia 51:15

“Nie nînie Ngai-Mûnene Ngai wenyu, nînie ndûmaga îria rikie ndivû, na ngatûma makûmbî ma rîo marurume. Ngai-Mûnene mwene vinya wonthe nîrîo rîîtwa rîakwa.

Isaia 63:12

Ûrîa wekire maûndû manene na vinya wake na njîra ya Musa, ûrîa wagaanirie manjî ma îria, na agîtongoreria andû ake manjîrî mau mariku nîguo egîîre na îgweta rîa tene na tene arî kû?”

Isaia 63:13

Ngai-Mûnene aamatongorerie makîthiîra kûu kûriku ta mbarathi irî werûrî na matiavîngwa.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.

Ciîko 7:36

Musa nîwatongoririe andû a Isiraeli akîmaruta Misiri. Nake nîwaringaga ciama na ageeka maûndû ma magegania kûu Misiri, Îriarî Îtune wana werûrî kwa îvinda rîa mîaka mîrongo îna.

Josh 2:10

Nîtwîguîte ûrîa Ngai-Mûnene aatûmire manjî ma îria Îtune mavûa mbere yenyu rîrîa mwaumaga Misiri. Wana nîtwîguîte ûrîa mwaûragire athamaki a Amori, Sihoni na Ogu arîa maarî mwena wa îrathîro wa Jorodani.

Josh 3:17

Nao athînjîri-Ngai arîa maakuuîte îthandûkû rîa kîrîkanîro Kîam Ngai-Mûnene nîmeekarire marûngamîte gatagatî ka rûnjî rwa Jorodani kûrîa manjî maavûîte nginya rîrîa andû onthe a Isiraeli maaringire.

Josh 4:23

Nîûndû Ngai-Mûnene, Ngai wenyu nîwatûmire manjî ma rûnjî rwa Jorodani matiga kûnyûrûrûka nginya rîrîa mwaringire. Ûguo nwaguo Ngai-Mûnene, Ngai wenyu eekire rîrîa aatûmire manjî ma Îria Îtune mamûkane na tûkîringîra nthî nyûmû.