Ntha 13:7 - ÎVUKU RÎA ÛVORO MWARO

⁷ Mîthenyarî îo mûgwanja mûkaarîcaga mîgate îtarî mîkîre ndawa ya kwimbia. Na kûrîa kuonthe mûkeethagîrwa mûrî gûtikaanoneke ndawa ya kwimbia mîgate vûrûrirî wenyu.

Ntha 13:7 ပူးပေါင်းရင်းမြစ်များ

Ntha 12:15

Ngai-Mûnene nîwacokire akiuga atîrî, “Vandû va mîthenya mûgwanja mue nwanginya mûrîcage mîgate îtarî mîkîre ndawa ya kwimbia. Mûthenya wa mbere mûkaathengutia ndawa ya kwimbia mîgate kwenyu mîciî, nîûndû mîthenyarî îo mûgwanja mûndû wa wonthe angîrîa mîgate îrî mîkîre ndawa ya kwimbia, ndagaataranîrua na andû acio engî a Isiraeli.

Ntha 12:19

Mîthenyarî îo mûgwanja gûtiagîrîrwe nîkwîthîrwa kûrî na ndawa ya kwimbia mîgate nyombarî cienyu. Nîûndû mûndû wa wonthe ûkaarîa mîgate îkîrîtwe ndawa ya kwimbia wana ethîrwa nî mûgeni kana aciarîrîtwe vûrûrirî ûcio nî akaavinyûrua aume kûrî andû a Isiraeli.

Mathaayo 16:6

Nake Jesû nîwamerire atîrî, “Îîmenyagîrîreni kuuma kûrî ndawa ya kwimbia mîgate ya Afarisai na Asadukai.”

1Akor 5:8

Kwoguo tigani tûkûngûîre kîrugo gîkî tûtarî na mîgate îrî na ndawa îno ngûrû ya kwimbia na nîo wîvia na waganu, nwatî nî na mûgate ûrugîtwe na mûtu ûrarî mwîkîre ndawa ya kwimbia ûrîa arî guo ûtheru na ûma.

Gûco 16:4

Gûtirî mûndû wagîrîrwe kwîthîrwa arî na ndawa ya kwimbia mûgate vûrûrirî wenyu îvinda rîa mîthenya mûgwanja, kana nyama ya îgongoona îrîa îrutîtwe ya îgongoona îrara îkinyia kîraûko.

Josh 5:11

Mûthenya ûcio warûmîrîrîte nîguo maambîrîrie kûrîa irio kuuma mîgûndarî ya Kanaani. Nîmaarîre mîgate îtarî mîkîre ndawa ya kwimbia na irio irî mbokie.