Ntha 13:6 - ÎVUKU RÎA ÛVORO MWARO

⁶ Mîthenya mûgwanja nîmûkaarîcaga mîgate îtarî mîkîre ndawa ya kwimbia. Naguo mûthenya wa mûgwanja nîguo mûkeethagîrwa na kîrugo gîa gûkumia Ngai-Mûnene.

Ntha 13:6 ပူးပေါင်းရင်းမြစ်များ

2Maû 30:21

Nao andû a Isiraeli arîa maarî Jerusalemu nîmaakûngûîre kîrugo Kîam mîgate îtarî mîkîre ndawa ya kwimbia îvinda rîa mîthenya mûgwanja makenete mûno. Alawi na athînjîri-Ngai nîmaakumagia Ngai-Mûnene wa mûthenya wa mûthenya na nîmaainagîra Ngai-Mûnene na vinya wao wonthe.

Ntha 34:18

“Ririkanaga kîrugo Kîam mîgate îrîa îtekîrîtwe ndawa ya kwimbia. Wata ûrîa nakwatha, ûkaarîcaga mîgate îtekîrîtwe ndawa ya kwimbia mîthenya mûgwanja mwerirî wa Abibu. Nîûndû mwerirî wa Abibu nîguo mwaumire Misiri.

Alawi 23:8

Mûkaandutagîra matega ma kûvîvua îvinda rîa mîthenya mûgwanja. Mûthenya wa mûgwanja nîguo mûkaagomanaga vamwe nîûndû wa kûgooca, nwatî mûtikarutage wîra mûthenya ûcio.”

Gûco 16:8

Mûkaarîcaga mîgate îtarî mîkîre ndawa ya kwimbia mîthenya îtandatû, naguo mûthenya wa mûgwanja mûkagomana vamwe kûgooca Ngai-Mûnene Ngai wenyu. Mûthenya ûcio mûtikarute wîra.

Josh 5:11

Mûthenya ûcio warûmîrîrîte nîguo maambîrîrie kûrîa irio kuuma mîgûndarî ya Kanaani. Nîmaarîre mîgate îtarî mîkîre ndawa ya kwimbia na irio irî mbokie.