Ntha 13:12 - ÎVUKU RÎA ÛVORO MWARO

¹² mûkaamwamûrîra marikithathi monthe. Marikithathi monthe ma ûrîthi wenyu, nî ma Ngai-Mûnene.

Ntha 13:12 ပူးပေါင်းရင်းမြစ်များ

Nehemia 10:36

Tûkaaviraga wa mûndû îrikithathi rîake rîa mwanake kûrî athînjîri-Ngai hekarûrî nîguo makaamûrîrwe Ngai wata ûrîa Watho ugîte. Na tûkaamûraga marikithathi monthe ma tûcaû na ma tûori twa ng'ondu na mbûri cietû.

Nehemia 10:37

Wana tûkaarutaga mûtu ûthîîtwe kuuma maketharî ma mbere ma irio cia mîgûnda yetû mwaka wa mwaka, na matega mengî, ndivei na maguta, na matunda ma mîtî ya mîthemba yonthe ivirîrwe mûthînjîri-Ngai tûnyombarî twa hekarû. Tûkaviragîra Alawi matega ma mîgûnda yetû, nîûndû nîo maûnganagia gîcunjî gîa îkûmi Kîam maketha ma mîgûnda yetû icagirî cietû.

Ntha 13:1

Ngai-Mûnene nîwerire Musa atîrî,

Ntha 13:2

“Nyamûrîra marikithathi monthe ma arûme. Marithikithathi monthe ma arûme a Isiraeli nî akwa, na marikithathi monthe ma nyamû cia ûrîthi wenyu nî makwa.”

Ntha 22:28

“Ndûkarie ûndû mûcûku wîgiî Ngai, na ndûkarume mûtongoria wa andû enyu.

Ntha 22:29

“Ndutagîra matega maku ma ngano, ndivei, na maguta ma ndamaiyû vîndî ya cio yakinya. “Mvecaga îrikithathi rîaku rîa anake.

Ntha 34:19

“Marikithathi monthe ma ciana cienyu cia anake na ma ng'ombe na ng'ondu nî ciakwa.

Ntha 34:20

Nwatî îrikithathi rîa mvunda mûkaarîkûûraga na njîra ya gûtega ndûrûme vandûrî va mvunda îo. Ethîrwa mûtikaamakûûra nîmûgaaciuna ngingo. Marikithathi menyu monthe ma anake nîmûkaamakûûra. “Gûtirî mûndû ûgaaûka mbere yakwa atarî na kîndû Kîam matega.

Ezek 16:20

“Makîria ma ûguo, nîwacokire ûkînyita anake na erîtu aku, acio wanjiarîre na ûkîmaruta marî îgongoona kûrî mîvuanano îo nîguo marîwe mathire. Anga ûndû ûcio waku wa ûmaraa warî ûndû mûnini,

Ezek 44:30

Maketha ma mbere marîa maro mûno na indo irîa mbaro mûno cia matega menyu irîa mûndutagîra ikaavecagwa athînjîri-Ngai. Vîndî cionthe rîrîa mwakanda mûgate, mûgate wa mbere ûkaavecagwa athînjîri-Ngai rîrî îtega nanie ngarathimaga mîciî yenyu.

Alawi 27:26

“Marikithathi ma ndîthia cienyu marî ma ng'ombe kana ma ng'ondu nî ma Ngai-Mûnene. Kwoguo gûtirî mûndû ûngîmwamûrîra mo.

Ndari 18:15

“Marikithathi monthe ma anake kana ma nyamû cia nûme marîa ngaarutagîrwa nî andû a Isiraeli makethagîrwa marî menyu. Nwatî nwanginya mûrutage îrîvi rîa gûkûûra marikithathi monthe ma anake, na mûrutage îrîvi rîa gûkûûra marikithathi monthe ma nyamû cia nûme irîa irî mûgiro.

Ndari 3:12

“Nînyamûrîte Alawi kuuma kûrî andû a Isiraeli îthenya rîa marikithathi monthe ma andû a Isiraeli methagîrwe marî akwa. Anake onthe marikithathi ma Alawi nî akwa,

Ndari 3:13

nîûndû marikithathi monthe nî makwa. Vîndî îrîa naaûragire marikithathi monthe ma Misiri, nînaamûrire marikithathi monthe ma andû na ma nyamû ma andû a Isiraeli matuîke makwa. Nie nînie Ngai-Mûnene.”

Ndari 8:17

Vîndî îrîa naûragire marikithathi monthe ma andû na ma nyamû kûu Misiri, nînaamûrire marikithathi ma andû na ma nyamû ma andû a Isiraeli matuîke akwa.

Luka 2:23

Meekire ûguo kûringana na ûrîa kwandîkîtwe Wathorî wa Mwathani atî: “Îrikithathi rîonthe rîa kamwana nîrîkaavecanwa kûrî Mwathani.”

Gûco 15:19

“Amûragîrani Ngai-Mûnene Ngai wenyu marikithathi monthe ma ng'ombe na ma ng'ondu cienyu. Mûtikarutithagie wîra marikithathi ma ng'ombe, kana mwenje marikithathi ma ng'ondu cienyu.