Ntha 12:31 - ÎVUKU RÎA ÛVORO MWARO

³¹ Ûtukû wa ûcio mûthamaki wa Misiri nîwatûmanire Musa na Aroni metwe. Na rîrîa maaûkire nîwamerire atîrî, “Umani mûthiî, mue wana andû enyu a Isiraeli! Umani vûrûrirî wakwa, mûthiî mûkagooce Ngai-Mûnene ta ûrîa mwaûririe.

Ntha 12:31 ပူးပေါင်းရင်းမြစ်များ

Thaburi 105:38

Andû a Misiri nîmaakenire rîrîa andû a Isiraeli maathiîre, nîûndû nîmaametigagîra.

Ntha 10:29

Musa nîwacokire akîmwîra atîrî, “Wata ûguo wauga, ndûkaamona rîngî.”

Ntha 10:9

Nake Musa nîwamûcokerie atîrî, “Tue tuonthe nîtûkûthiî, tûrî na ciana cietû na andû etû arîa akûrû. Nîtûkûthiî na anake etû na erîtu etû, wa vamwe na ng'ondu, mbûri na ng'ombe cietû, nîûndû nwanginya tûkaagîa na kîrugo nîguo tûkumie Ngai-Mûnene.”

Ntha 11:1

Ngai-Mûnene nîwerire Musa atîrî, “Nie nîngûtûma îvera rîngî rîmwe kûrî mûthamaki wa Misiri na andû ake. Vuva wa ûguo nîakaamûrekereria mûthiî. Rîrîa akaamwîra mûthiî nî akaamûvinyûria muonthe muume kuo viû.

Ntha 11:8

Musa aarîkîrîrie na kûmera atîrî, “Anene aku onthe nîmagaaûka kûrî nie na menamîrîre mbere yakwa. Nao nîmakaanthaitha mboce andû akwa onthe nthiî nao. Na vuva wa ûguo nie nîngaathiî.” Nake Musa ecûrîtwe nî marakara meengî, nîwaumire kwa mûthamaki wa Misiri na akîthiî.

Ntha 12:39

Maaumire Misiri na îvenya matarugîte mîgate. Nwatî nîmaakuire mûtu ûtarî mwîkîre ndawa ya kwimbia. Mûtu ûcio nîmaaûrugire mîgate.

Ntha 6:1

Nwatî Ngai-Mûnene nîwerire Musa atîrî, “Rîu nîûkwona ûrîa ngwîka mûthamaki wa Misiri. Nîûndû wa ûvoti wakwa nîakûrekereria andû akwa mathiî. Nîngûtûma amarutûrûre vûrûrirî wake na vinya.”

Ntha 8:25

Mûthamaki wa Misiri nîwacokire agîtûmana Musa na Aroni metwe. Nake nîwamerire atîrî, “Thiî mûkarutîre Ngai wenyu kîgongoona mûrî gûkû vûrûrirî ûyû.”

Ntha 8:8

Nake mûthamaki nîwacokire agîta Musa na Aroni na akîmera atîrî, “Thaithani Ngai-Mûnene arute ciûra ino kuuma kûrî nie na kûrî andû akwa, nanie nî ngûrekereria andû a Isiraeli mathiî makarutîre Ngai-Mûnene kîgongoona.”

1Sam 6:6

Mûngîûmia ngoro cienyu ta ûrîa Amisiri na mûthamaki wao maûmirie ciao nîkî? Ngai averithia Amisiri na mûthamaki wa Misiri mûno-î, kinthî matiarekererie Aisiraeli makiuma Misiri na makîthiî?