Ntha 12:27 - ÎVUKU RÎA ÛVORO MWARO

²⁷ mue nîmûkaamera atîrî, ‘Nî îgongoona rîa pasaka rîa gûkumia Ngai-Mûnene, nîûndû nîwagararire nyomba cia andû a Isiraeli vûrûrirî wa Misiri. Vîndî îo Ngai-Mûnene nîwaûragire andû a Misiri, nwatî tue nîwatwîguîrîre ntha.’ ” Nao andû a Isiraeli nîmaaturirie ndu na makîgooca.

Ntha 12:27 ပူးပေါင်းရင်းမြစ်များ

1Maû 29:20

Daudi nîwacokire akîra andû arîa onthe maagomanîte atîrî, “Kumiani Ngai-Mûnene, Ngai wenyu!” Nao andû onthe arîa maagomanîte nîmaakumirie Ngai-Mûnene, Ngai wa methe mao ma tene. Nîmeenamîrîrie ciongo ciao, makîgooca Ngai-Mûnene na makîva mûthamaki gîtîîo.

2Maû 20:18

Mûthamaki Jehoshafati nîwenamîrîre na agîturumithia ûthiû wake nthî, nao andû onthe a Juda na a Jerusalemu nîmeenamîrîre na magîturumithia mothiû mao nthî na makîgooca Ngai-Mûnene.

2Maû 29:30

Nake mûthamaki Hezekia na anene nîmaathire Alawi makumie Ngai-Mûnene na nyîmbo irîa ciatungîtwe nî Daudi na Asafu, ûrîa warî mwoni. Kwoguo andû onthe nîmaakumirie Ngai-Mûnene marî na gîkeno na nîmeenamîrîrie mothiû mao nthî na makîgooca Ngai.

Nehemia 8:6

Ezira nîwaugire atîrî, “Ngai-Mûnene, Ngai ûrîa mûnene nîakumue!” Andû onthe nîmaambararirie njara na îgûrû rîerarî na magîcokia atîrî, “Ameni! Ameni!” Nao nîmaaturirie maru magîturumithia mothiû mao nthî na makîgooca Ngai-Mûnene.

Thaburi 44:1

Tue nîtwîguîte na matû metû, we Ngai, methe metû nîmatwîrîte, maûndû marîa wekire vîndî yao, marîa wekire vîndî ya tene:

Thaburi 78:5

Nîwavere andû a Isiraeli mawatho, na njiarwa cia Jakovu akîiva maathani. Nîwerire methe metû mathomithagie ciana ciao mawatho make,

Ntha 10:2

Mue nîmûkaavota kwîra ciana cienyu wana ciana ciao maûndû ma vinya marîa nekire na ciama irîa naringîre andû a Misiri. Na mue muonthe nîmûkaamenya atî nie nînie Ngai-Mûnene.”

Ntha 12:11

Mûkaairîa na îvenya na mwîkîrîte nguo ta andû mathiîte rûgendo. Mûkeethîrwa mwîkîrîte iratû magûrû na mûrî na mîragi yenyu njara. Gîkethîrwa kîrî kîrugo Kîam pasaka ya Ngai-Mûnene.

Ntha 12:23

Vîndî îrîa Ngai-Mûnene akaavîtûkîrîra vûrûrirî wa Misiri kûraga andû a kuo, nîakoona nthakame itugîrî cia mîrango yenyu. Nake nî akaagiria mûraika ûrîa ûkethîrwa akîûraga andû a Misiri atonya kwenyu nyomba amûûrage.

Ntha 12:28

Nao andû acio nîmaathiîre na magîka wata ûrîa Ngai-Mûnene aathîte Musa na Aroni.

Ntha 13:14

Ethîrwa kavinda nîgagaakinya anake enyu mamûrie ûndû ûyû mûreka wa gûkûngûîra ugîte atîa, nîmûkaamera atî, ‘Ngai-Mûnene nîwatûmîre vinya wake mûnene agîtûruta Misiri kûrîa twatûûraga tûrî ngombo.

Ntha 13:8

Na mûthenya ûcio nîmûkera ciana cienyu atî mûreka ûguo nîûndû wa ûrîa Ngai-Mûnene aamwîkire vîndî îrîa mwaumire Misiri.

Ntha 34:25

“Mûtikaarute matega ma mîgate îkîrîtwe ndawa ya kwimbia vîndî îrîa mûkûndutîra magongoona ma nyamû. Vîndî ya kîrugo Kîam pasaka mûtikaaige gîcunjî Kîam nyamû îrîa îthînjîtwe nginya kîraûko Kîam mûthenya ûcio wîngî.

Ntha 34:8

Musa nîwenamîrîrie ûthiû wake nthî na îvenya na akîgooca Ngai-Mûnene.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

1Akor 5:7

Kwoguo îrireni mevia menyu marîa mekariî ta ndawa îno ngûrû ya kwimbia nîguo mûtuîke andû acerû viû wata mûtu ûrîa ûkandîtwe ûtarî mwîkîre ndawa ya kwimbia. Na nîmbicî atî ûguo nîguo mwîkariî, nîûndû Kristû nîwarutirwe arî Gatûrûme ga kîgongoona îrugarî rîetû rîa pasaka.

Gûco 16:2

Mûkaarutagîra Ngai-Mûnene Ngai wenyu îgongoona rîa pasaka kuuma ndîthiarî yenyu ya mbûri na ng'ombe mûrî varîa Ngai-Mûnene akaathuura va kûgoocagîrwa.

Gûco 16:5

“Mûtikaarutîre îgongoona rîa pasaka îtûûrarî wa rîonthe rîa marîa Ngai-Mûnene Ngai wenyu akûmûva.