Ntha 12:26 - ÎVUKU RÎA ÛVORO MWARO

²⁶ Na vîndî îrîa ciana cienyu ikaamûria ‘Îgongoona rîrî nî rîakuga atîa?’,

Ntha 12:26 ပူးပေါင်းရင်းမြစ်များ

Thaburi 145:4

Rûciaro rûmwe nîrûkaaganagîra rûciaro rûrîa rwîngî wîra waku; na nîmakaanîrîra ciîko ciaku cia vinya.

Thaburi 44:1

Tue nîtwîguîte na matû metû, we Ngai, methe metû nîmatwîrîte, maûndû marîa wekire vîndî yao, marîa wekire vîndî ya tene:

Ntha 10:2

Mue nîmûkaavota kwîra ciana cienyu wana ciana ciao maûndû ma vinya marîa nekire na ciama irîa naringîre andû a Misiri. Na mue muonthe nîmûkaamenya atî nie nînie Ngai-Mûnene.”

Ntha 12:25

Vîndî îrîa mûgaatonya vûrûri ûrîa Ngai-Mûnene amwîrîte atî nî akamûva, nwanginya mûkaathiî na mbere gûkûngûîra îgongoona rîîrî.

Ntha 13:22

Gîtugî Kîam îtu kîethagîrwa kîrî mbere yao vîndî cionthe mûthenya, na Kîam mwaki kîethagîrwa kîrî mbere yao vîndî ya ûtukû.

Isaia 38:19

Arîa marî mwoyo nîo magûcokagîria ngatho, ta ûrîa nie nîragûcokeria ngatho rîu, îthe wa ciana nîke ûimenyithagia ûvoro wa wîvokeku waku.

Aefeso 6:4

Mue aciari tigagani gwîka ciana cienyu maûndû marîa mangîtûma irakare. Vandû va ûguo, imenyagîrîreni na mûitaarage ciîkage wata ûrîa mûndû ûrîa wîtîkîtie Mwathani agîrîrwe nî gwîka.

Gûco 11:19

Thomithagiani ciana cienyu maathani mama. Thomithagiani ciana cienyu rîrîa mûrî mîciî, rîrîa mûrî kûraca na mîciî, mûkîthiî toro na rîrîa mwaramûka.

Gûco 32:7

“Taririkanani ûvoro wa mavinda ma tene; ta îcirieni ûvoro wa mîaka mîîngî mîvîtûku, ûriani methe menyu na nîmakûmwîra ûrîa gwekariî, ûriani athuuri enyu na nîmakûmwîra ûrîa gwekariî.

Gûco 6:20

“Vuvarî ciana cienyu ingîkaamûria kîrîa gîatûmire Ngai-Mûnene amûva kîrîra, mawatho na matuîro ma ciira mama monthe,

Gûco 6:7

Menyagîrîrani mûmathomithanagie kûrî ciana cienyu vîndî cionthe, rîrîa mûrî mîciî, rîrîa mûrî kûraca na mîciî, rîrîa mûkûthiî toro na rîrîa mûkûramûka.