Ntha 12:23 - ÎVUKU RÎA ÛVORO MWARO

²³ Vîndî îrîa Ngai-Mûnene akaavîtûkîrîra vûrûrirî wa Misiri kûraga andû a kuo, nîakoona nthakame itugîrî cia mîrango yenyu. Nake nî akaagiria mûraika ûrîa ûkethîrwa akîûraga andû a Misiri atonya kwenyu nyomba amûûrage.

Ntha 12:23 ပူးပေါင်းရင်းမြစ်များ

2Sam 24:16

Rîrîa mûraika wa Ngai-Mûnene aarî vakuvî gûcûkangia Jerusalemu Ngai-Mûnene nîwericûkirwe ûvororî wîgiî kûverithia andû ake na akîra mûraika ûcio waûraganaga atîrî, “Tiga rîu! Ûguo nî mwîganu!” Mûraika ûcio aarî vakuvî na varîa Arauna, ûrîa warî Mûjebusi aavûûragîra ngano.

Ayubu 14:13

“Wana nîkava ûngîanthithire kwa arîa akuû, nîkava ûngîanthithire nginya marakara maku mathire, ûnthithe nginya marakara maku mathire, narîo îvinda rîrîa ûtuîte rîathira ûndirikane.

Ntha 11:4

Nake Musa nîwerire mûthamaki wa Misiri atîrî, “Ngai-Mûnene augîte atîrî, ‘Ûtukû gatagatî ngaavîtûkîrîra gatagatî ka vûrûri wa Misiri,

Ntha 12:7

Nao andû nîmagooca nthakame îmwe ya tûtûrûme mamîvake itugîrî cia mîrango na îgûrû rîa mîrango ya nyomba irîa tûtûrûme tûu tûkaarîrwa.

Isaia 26:20

Ûkani andû akwa, tonyani nyombarî cienyu na mwîvingîre kuo; îîthitheni kavinda kanini nginya rîrîa marakara ma Ngai makaathira.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

1Akor 10:10

Tue tûtiagîrîrwe nî gûteta ta ûrîa andû amwe gatagatîrî kao meekire na makîthirua nî Mûraika wa Ngai aumîte îgûrû.

Ahib 11:28

Wîtîkio nîguo watûmire Musa athondeka kîrugo Kîam pasaka na akîathana nthakame îminjaminjîrue mîrango, nîguo mûraika ûrîa ûretaga gîkuû ndakaûrage marikithathi ma Isiraeli.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Kûguû 7:3

Nake mûraika ûcio nîwamerire atîrî, “Mûtigacûkangie nthî nyûmû, îria, kana mîtî. Etererani nginya rîrîa tue tûgekîra ndungata cia Ngai wetû rûûri ithithiirî ciao.”

Kûguû 9:4

Nacio nîcierirwe itigacûkie nyaki, kana mîtî, wana kana mûmera wa wonthe. Cierirwe icûkie tu andû arîa mataarî na mûvûûri wa Ngai ithithiirî ciao.