Ntha 12:22 - ÎVUKU RÎA ÛVORO MWARO

²² Na mwoce hisofu yovetwe kîmanja na mûmîvutukie mbakûrirî îrîa îkîrîtwe nthakame ya tûtûrûme. Nthakame îo îvakwe itugîrî cia mîrango na mîkîgo îgûrû rîa mîrango ya nyomba cienyu. Mûndû wana ûrîkû ndakaume nyomba nginyagia rûyû kîraûko.

Ntha 12:22 ပူးပေါင်းရင်းမြစ်များ

Thaburi 51:7

Ntheria, na nî ngûthera; nthambia, na nî ngûcerûva gîkîra îra.

Ntha 12:7

Nao andû nîmagooca nthakame îmwe ya tûtûrûme mamîvake itugîrî cia mîrango na îgûrû rîa mîrango ya nyomba irîa tûtûrûme tûu tûkaarîrwa.

Isaia 26:20

Ûkani andû akwa, tonyani nyombarî cienyu na mwîvingîre kuo; îîthitheni kavinda kanini nginya rîrîa marakara ma Ngai makaathira.

Ndari 19:18

Mûndû ûrîa mwîtheriu nîagoca hisofu na amîrinde manjîrî, na acoke aminjaminjîrie îgema, na indo cionthe irîa irî kuo vamwe na andû arîa marî kuo. Nîagaacoka aminjîrie manjî mûndû ûrîa ûkeethîrwa avutîtie îvîndî rîa mûndû mûkuû, kimba kana mbîrîra.

Mathaayo 26:30

Nao marîkia kwina rwîmbo, nîmaaumire kûu nyomba makîthiî kîrîmarî Kîam mîtî ya Mîtamaiyû.

Ahib 11:28

Wîtîkio nîguo watûmire Musa athondeka kîrugo Kîam pasaka na akîathana nthakame îminjaminjîrue mîrango, nîguo mûraika ûrîa ûretaga gîkuû ndakaûrage marikithathi ma Isiraeli.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Ahib 9:1

Kîrîkanîro Kîam mbere Kîamrî na mawatho megiî kûgooca Ngai na vandû vatumîtwe nî andû va kûgoocagîra gûkû nthî.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Ahib 9:19

Ûndû wa mbere ûrîa Musa eekire, nî kûmenyithia andû onthe maathani monthe wata ûrîa mandîkîtwe Wathorî. Nîwacokire agîoca nthakame ya ndegwa na ya mbûri akîmîtukania na manjî, na akîmîminjaminjîria îvuku rîa Watho na kûrî andû onthe akîvûthagarî karûthanju ka Hisovu kovereretwe guoya ndune.

Josh 2:19

Mûndû wa wonthe wa cienyu angîkaauma nja na aûragwe, mau makethîrwa marî mavîtia make, tue tûtikaaûrua. Nake mûndû wa wonthe wa cienyu, arîa mûkeethîrwa mûrî nao nyomba angîkoona thîna nîtue tûkaaûrua nthakame yake.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.