Ntha 12:17 - ÎVUKU RÎA ÛVORO MWARO

¹⁷ Kûngûagîrani kîrugo Kîam mîgate îtarî mîkîre ndawa ya kwimbia, nîûndû mûthenya ûyû nîguo naarutire mîvîrîga yenyu vûrûri wa Misiri. Kwoguo njiarwa cienyu igaakûngûagîra kîrugo gîkî mûthenyarî ûyû.

Ntha 12:17 ပူးပေါင်းရင်းမြစ်များ

Ntha 12:14

Ririkanagani mûthenya ûyû na mûgîcage na kîrugo gîa gûkûngûîra ûrîa, Nie Ngai-Mûnene nîmwîkîte. Nwanginya mûririkanage ûndû ûcio mîaka yonthe.”

Ntha 12:24

Mue vamwe na ciana cienyu nwanginya mûkaarûmîrîra mawatho mama vîndî cionthe.

Ntha 12:41

Na mûthenya ûcio mîaka magana mana na mîrongo îthatû yakinyire andû a Isiraeli nîmaaumire vûrûri wa Misiri.

Ntha 12:6

Naguo mûthenya wa îkûmi na kana wa mweri, nîrîo andû onthe a Isiraeli makaathînja tûtûrûme tûu kîvwaî.

Ntha 13:10

Kwoguo kûngûagîrani kîrugo gîkî rîrîa îvinda rîrîa rîakîo rîakinya mwaka wa mwaka.

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 13:8

Na mûthenya ûcio nîmûkera ciana cienyu atî mûreka ûguo nîûndû wa ûrîa Ngai-Mûnene aamwîkire vîndî îrîa mwaumire Misiri.

Ntha 34:18

“Ririkanaga kîrugo Kîam mîgate îrîa îtekîrîtwe ndawa ya kwimbia. Wata ûrîa nakwatha, ûkaarîcaga mîgate îtekîrîtwe ndawa ya kwimbia mîthenya mûgwanja mwerirî wa Abibu. Nîûndû mwerirî wa Abibu nîguo mwaumire Misiri.

Ntha 6:26

Aroni na Musa nîo Ngai-Mûnene eerire atîrî, “Tongoriani andû a Isiraeli maume vûrûri wa Misiri.”

Ntha 7:5

Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Ndari 20:16

na tûkîrîrîra Ngai-Mûnene nîguo atûtethie. Ngai-Mûnene nîwegwire kîrîro gîetû na agîtûma mûraika ûrîa watûrutire Misiri. Rîu tûrî Kadeshi, îtûûra rîrîa rîrî mûvakarî wa vûrûri waku.

Gûco 16:3

Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.