Ntha 12:14 - ÎVUKU RÎA ÛVORO MWARO

¹⁴ Ririkanagani mûthenya ûyû na mûgîcage na kîrugo gîa gûkûngûîra ûrîa, Nie Ngai-Mûnene nîmwîkîte. Nwanginya mûririkanage ûndû ûcio mîaka yonthe.”

Ntha 12:14 ပူးပေါင်းရင်းမြစ်များ

2Atha 23:21

Mûthamaki Josia nîwathanire andû makûngûîre pasaka ya Ngai-Mûnene Ngai wao, ta ûrîa kwandîkîtwe îvukuurî rîa kîrîkanîro.

Thaburi 111:4

Nîatûmîte maûndû make ma magegania maririkanagwe; Ngai-Mûnene nî mûtugi na arî ntha.

Thaburi 135:13

We Ngai-Mûnene, rîîtwa rîaku rîtûûraga tene na tene, njiarwa cionthe nîitûûra iririkanaga ngumo yaku tene na tene.

Ntha 12:17

Kûngûagîrani kîrugo Kîam mîgate îtarî mîkîre ndawa ya kwimbia, nîûndû mûthenya ûyû nîguo naarutire mîvîrîga yenyu vûrûri wa Misiri. Kwoguo njiarwa cienyu igaakûngûagîra kîrugo gîkî mûthenyarî ûyû.

Ntha 12:24

Mue vamwe na ciana cienyu nwanginya mûkaarûmîrîra mawatho mama vîndî cionthe.

Ntha 12:43

Ngai-Mûnene nîwerire Musa na Aroni atîrî, “Mama nîmo mawatho ma pasaka: Gûtirî mûgeni ûkaarîa irio cia pasaka,

Ntha 12:6

Naguo mûthenya wa îkûmi na kana wa mweri, nîrîo andû onthe a Isiraeli makaathînja tûtûrûme tûu kîvwaî.

Ntha 23:15

Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Ntha 27:21

Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.

Ntha 5:1

Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Isiraeli augîte atî, ‘Tiga andû akwa mathiî werûrî nîguo makathondeke îruga nîguo mangûngûîre.’ ”

Ezek 46:14

Gakaarutanagîrua na îtega rîa mûtu wa kilo igîrî na nuthu.

Alawi 23:6

Mûthenya wa îkûmi na îtano nîguo mûthenya wa pasaka ya Ngai-Mûnene. Mûtiagîrîrwe nî kûrîa mîgate îrî na ndawa ya kwimbia îvinda rîa mîthenya mûgwanja.

Zakaria 6:14

Ngovia îo ya ûthamaki îgekaraga hekarûrî ya Ngai-Mûnene nîûndû wa kûririkanaga Helidai, Tobija, Jedaia, na Josia mûvîcî wa Zefania.

Ndari 10:8

Tûrumbeta tûu tûkaavuvagwa nî avîcî a Aroni, athînjîri-Ngai. “Watho ûyû nîûtûûra ûrûmagîrîrwa nî njiarwa cienyu cionthe.

Ndari 15:15

Kwoguo nî mûtûûra mûrûmagîrîra watho ûyû mûrî na ageni arîa mûtûûranagia nao. Mue wana ageni acio mûrî ûndû ûmwe mbere ya Ngai-Mûnene.

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Ndari 18:8

Ngai-Mûnene nîwerire Aroni atîrî, “Nînakûva we vamwe na njiarwa ciaku matega monthe marîa ndutîrîtwe nî andû a Isiraeli. Nînamûva indo icio cionthe irî gîcunjî kîenyu na nîitûûra irî cienyu.

Mathaayo 26:13

Nie nîramwîra nama atî kûrîa kuonthe ûvoro mwaro ûkaavunjua nthî yonthe, ûndû ûcio ambîka nîûkaganagwa nîguo aririkanagwe.”

Luka 22:19

Nîwacokire agîoca mûgate na arîkia gûcokeria Ngai ngatho, akîwenyûranga na akînengera arutwa ake akiugaga atîrî, [“Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîguo mûndirikanage.”

Gûco 16:1

“Kûngûagîrani mweri wa Abibu na njîra ya kîrugo Kîam pasaka. Na njîra îno, Ngai-Mûnene Ngai wenyu akaavecagwa gîtîîo. Mweri ûcio nîguo Ngai-Mûnene Ngai wenyu aamûrutire vûrûri wa Misiri ûtukû.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 6:8

Moverereni njararî cienyu, na mothiûrî menyu nîguo mûmaririkanage.

Josh 4:7

Namue nîmûkaamera atî manjî ma rûnjî rwa Jorodani nîmaagaûkanire magîtiga kûvîta rîrîa îthandûkû rîa Kîrîkanîro Kîam Ngai-Mûnene rîaringire rûnjî rwa Jorodani. Mathiga mama makethagîrwa marî kîririkano tene na tene Kîam ûrîa gwekîkire kûrî andû a Isiraeli.”

1Sam 30:25

Daudi nîwatuire ûndû ûcio watho wa kûrûmîrîrwa kûu Isiraeli kuuma mûthenya ûcio.