Ntha 10:9 - ÎVUKU RÎA ÛVORO MWARO

⁹ Nake Musa nîwamûcokerie atîrî, “Tue tuonthe nîtûkûthiî, tûrî na ciana cietû na andû etû arîa akûrû. Nîtûkûthiî na anake etû na erîtu etû, wa vamwe na ng'ondu, mbûri na ng'ombe cietû, nîûndû nwanginya tûkaagîa na kîrugo nîguo tûkumie Ngai-Mûnene.”

Ntha 10:9 ပူးပေါင်းရင်းမြစ်များ

Kîam 50:8

Andû a mûciî wa Josefu, aa mûrwang'ina na andû onthe a nyomba ya îthe nîmaathiîre vamwe na Josefu. Ciana, ng'ondu, mbûri na ng'ombe nîcio tu ciatigirwe vûrûrirî wa Gosheni.

Ntha 10:10

Nake mûthamaki wa Misiri nîwaugire atîrî, “Nîngwîvîta na rîîtwa rîa Ngai-Mûnene atî ndingîtîkîra mûthiî na aka na ciana cienyu. Nîkûronania waro atî mue mûrenda kûgîa na mûgomo.

Ntha 10:26

Tue nîtûkûthiî na ndîthia cietû, gûtirî wanarî îmwe îgûtigwa. Imwe ciacio nîcio tûkaarutîra Ngai-Mûnene magongoona na tûtiîcî nî irîkû. Tûkaamenya twakinya kuo irîa tûkaaruta nîguo tûgooce Ngai-Mûnene, Ngai wetû.”

Ntha 12:32

Ocani ng'ondu, mbûri na ng'ombe cienyu na mûthiî. Nanie mûmvoere kîrathimo.”

Ntha 12:37

Andû a Isiraeli nîmaaumire Ramesesi na magûrû mathiîte Sukothu. Andû acio maarî ta arûme ngiri magana matandatû aka na ciana matarî atare.

Ntha 12:38

Na andû engî eengî nîmaathiîcanirie vamwe nao na mbûri ng'ondu, na ng'ombe.

Ntha 13:6

Mîthenya mûgwanja nîmûkaarîcaga mîgate îtarî mîkîre ndawa ya kwimbia. Naguo mûthenya wa mûgwanja nîguo mûkeethagîrwa na kîrugo gîa gûkumia Ngai-Mûnene.

Ntha 3:18

“Andû akwa nîmakaathikîrîria ûrîa ûkaamera. Nawe, vamwe na atongoria a andû a Isiraeli nîmûkaathiî kûrî mûthamaki wa Misiri mûmwîre atîrî, ‘Ngai-Mûnene, Ngai wa Ahibirania nîatumîrîrîte. Rîu, twîtîkîrie tûthiî rûgendo rwa mîthenya îthatû werûrî nîguo tûkarutîre Ngai-Mûnene, Ngai wetû magongoona.’

Ntha 5:1

Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Isiraeli augîte atî, ‘Tiga andû akwa mathiî werûrî nîguo makathondeke îruga nîguo mangûngûîre.’ ”

Ntha 5:3

Nake Musa na Aroni nîmaacokerie mûthamaki wa Misiri atîrî, “Ngai wa Ahibirania nî atumîrîrîte. Twîtîkîrie tûthiî rûgendo rwa mîthenya îthatû werûrî tûkarutîre Ngai-Mûnene, Ngai wetû îgongoona. Ethîrwa tî twîka ûguo, Ngai-Mûnene agaatûverithia na mûrimû kana mbaara.”

Nthi 3:9

Tîîaga Ngai-Mûnene na indo ciaku, na ûmûrutagîre maketha ma mbere ma indo cionthe cia mîgûnda yaku.

Mûvunjia 12:1

Ririkanaga ûrîa wakûmbire vîndî îrîa ûrî mwîthî, mbere ya kavinda gakinya rîrîa ûkaauga atîrî, “Ndirakenerera ûtûûro.”

Ndari 29:12

“Mûthenya wa îkûmi na îtano wa mweri wa mûgwanja, mûgacemanagia nîguo mûgooce Ngai. Mûgaakûngûagîra kîrugo gîa tûnyomba nîûndû wa Ngai-Mûnene îvinda rîa mîthenya mûgwanja mûtakûruta wîra.

Aefeso 6:4

Mue aciari tigagani gwîka ciana cienyu maûndû marîa mangîtûma irakare. Vandû va ûguo, imenyagîrîreni na mûitaarage ciîkage wata ûrîa mûndû ûrîa wîtîkîtie Mwathani agîrîrwe nî gwîka.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”