Ntha 10:15 - ÎVUKU RÎA ÛVORO MWARO

¹⁵ Nacio nîciakunîkire nthî nginya îkîgîa rangi mwirû nîûndû wacio. Nacio nîciarîre kîndû kîonthe kîrîa gîatigarîte gîgîkûra vîndî ya mbura ya mbembe, na ikîrîa wa na matunda monthe marîa maarî mîtîrî. Gûtirî îthangû rîatigarire rîgîkûraga mîtîrî kana mîmerarî yonthe kûu vûrûrirî wa Misiri.

Ntha 10:15 ပူးပေါင်းရင်းမြစ်များ

Thaburi 78:46

Ngai nîwatûmire ngige irîe mîmera yonthe, na igîcûkangia mîgûnda yao.

Ntha 10:12

Ngai-Mûnene nîwacokire akîra Musa atîrî, “Ûkîrîria njara yaku îgûrû rîa vûrûri wa Misiri nîguo ûtûme ngige ciûke kuo. Nacio nîikûrîa kîrîa kîonthe gîkûraga, kîrîa gîatigarire vîndî ya mbura ya mbembe.”

Ntha 10:5

Nacio ngige icio ikeethîrwa irî nyîngî mûno. Nîigaakunîkîra nthî yonthe na nîikaarîa kîrîa kîonthe gîatigarire gîtacûkîtue nî mbura ya mbembe na irîe mîtî yaku yonthe îrîa îrî mîgûndarî.

Nthi 30:27

Ngige itirî mûtongoria, nwatî cionthe ithiîcaga vamwe irî ikundi ikundi.

Joeli 1:4

Ikundi nyîngî cia ngige nîirîte mîmera; kîrîa ngige itigîtie, ngige icio ciîngî nîirîte.

Joeli 2:25

Nîngamûcokeria kîrîa Kîamûrire vingo îrîa ngige ciarîîre irio cienyu, nînie namûtûmîre athigari acio engî ûguo.

Amosi 7:2

Rîrîa ngige ciarîîre mîmera yonthe vûrûrirî nînaugire atîrî, “Ûûi Ngai-Mûnene, Ngai nakûthaitha movere. Njiarwa cia Jakovu îgatûûra mwoyo atîa? Nî anini mûno!”

Ndari 22:5

Kwoguo Balaki mûvîcî wa Zipori, na nîke warî mûthamaki wa Moabu vîndî îo, nîwatûmire anjaama magete Balaamu mûvîcî wa Beori. Balaamu aarî Pethori vakuvî na rûnjî rwa Farati vûrûrirî wa Amawi. Balaki nîwerire Balaamu atîrî, “Kûrî na rûrîrî rumîte Misiri na rûrî kûndû kuonthe gûkû nthî, na nîmarenda gwoca vûrûri wakwa.