Ntha 1:20 - ÎVUKU RÎA ÛVORO MWARO

²⁰ Kwoguo Ngai nîwekire aka acio mateethagîrîria arîa engî gûciara maûndû maro, nao andû a Isiraeli nîmaathiîre na mbere kwongereraka na kûgîa vinya.

Ntha 1:20 ပူးပေါင်းရင်းမြစ်များ

Thaburi 103:11

Nîûndû ta ûrîa îgûrû na nthî iracavanîrîrîtie, nwaguo wendo wake ûtathiraga ûrî mwîngî kûrî arîa mamwîtigîrîte.

Thaburi 111:5

Nîavecaga arîa mamwîtigagîra irio, ndariganagîrwa nî kîrîkanîro gîake.

Thaburi 145:19

Nîavingagia mavata ma arîa onthe mamûtîîte, nîegucaga kîrîro Kîamo na akamavonokia.

Thaburi 61:5

We Ngai, nîwîguîte ciîranîro ciakwa, na nî ûmvete îgai rîrîa ûvecaga arîa magwîtigîrîte.

Thaburi 85:9

Nama nîevarîrîtie kûvonokia andû arîa mamwîtigîrîte, nîguo riiri wake ûtûûre vûrûrirî wetû.

Ntha 1:12

Nwatî wa ûrîa andû a Isiraeli maathiîcaga na mbere kûvinyîrîrua nî andû a Misiri, nwaguo andû a Isiraeli moongererekaga makîria na makîthiî na mbere gwîcûra vûrûrirî ûcio. Nao andû a Misiri nîmeetigîre andû a Isiraeli,

Ntha 1:19

Nao aka acio nîmaacokerie mûthamaki atîrî, “Aka a Ahibirania matiîkariî ta aka a andû a Misiri. O marî vinya na nîmagîcaga twana na îvenya wana mbere ya ûmwe wa cietû akinya.”

Ntha 1:7

Nwatî njiarwa ciao, nîciaciaranire nao Aisiraeli magîtuîka eengî na makîgîa na vinya magîcûra vûrûrirî wa Misiri.

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Mûvunjia 8:12

Andû arîa evia mekaga maûndû macûku maita îgana na magatûûra îvinda îraca. Kûnarî ûguo nîmbicî atî andû arîa magoocaga Ngai nîmakaagîa na maûndû maro nîûndû wa kûmûgooca.

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Mathaayo 10:42

Nîramwîra na ma atî mûndû wa wonthe ûvecaga ûmwe wa aya anini gîkombe Kîam manjî ma mvevo ma kûnyua nîûndû nî arutwa akwa, nîakaavewa kîveo.”

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Luka 1:50

nacio ntha ciake nî ikinyagîra arîa onthe mamûtîîte, kuuma rûciaro rûmwe nginya rûrîa rwîngî.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.