Nehemia 9:38 - ÎVUKU RÎA ÛVORO MWARO

³⁸ Nîûndû wa maûndû monthe marîa mekîkîte, nîtwathondeka kîrîkanîro kîrûmu na twandîkanîra. Nao atongoria etû, Alawi, athînjîri-Ngai wetû nîmekîra mîvûri yao kîrîkanîrorî kîu.

Nehemia 9:38 ပူးပေါင်းရင်းမြစ်များ

2Atha 23:3

Mûthamaki nîwarûngamire vakuvî na gîtugî na akîrûtha kîrîkanîro na Ngai-Mûnene. Nîwamwîrîre atî akaamwathîkagîra, akaavingagia mawatho make, maathani make na kîrîra gîake na ngoro yake yonthe na mwoyo wake wonthe na kûvingia maûndû monthe megiî kîrîkanîro gîkî wata ûrîa kwandîkîtwe îvukuurî rîîrî. Nao andû onthe nîmeranîre atî nîmakûvingia kîrîkanîro.

2Maû 23:16

Mûthînjîri-Ngai Jehoiada nîwarûthire kîrîkanîro na andû onthe na mûthamaki atî, nîmagûtuîka andû a Ngai-Mûnene.

2Maû 29:10

“Rîu nînduîte kûrûtha kîrîkanîro na Ngai-Mûnene, Ngai wa Isiraeli, nîguo ndagatûrakarîre rîngî.

2Maû 34:31

Mûthamaki nîwarûngamire vandû vake na akîrûtha kîrîkanîro mbere ya Ngai-Mûnene, atî akaathîkagîra Ngai-Mûnene na avingagie maathani make, mawatho na matuîro ma ciira na ngoro yake yonthe na mwoyo wake wonthe, na ageekaga wata ûrîa ciugo irîa ciandîkîtwe îvukuurî rîa kîrîkanîro ciugîte.

Ezira 10:3

Kwoguo nîtûkûrûtha kîrîkanîro na Ngai wetû atî nwanginya twîngate aka aya na ciana ciao. Tûgeka wa ûrîa we na andû arîa metigîrîte maathani ma Ngai magaatûtaara twîke, na twîke ûrîa watho ugîte.

Nehemia 10:1

Andû arîa meekîrire mûvûri maarî Nehemia ûrîa warî mûnene. Nehemia aarî mûvîcî wa Hakalia. Arîa engî meekîrire mûvûri maarî: Zedekia,

Nehemia 10:29

Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

Isaia 44:5

“Mûndû ûmwe nîakaauga atîrî, ‘Nie nîrî wa Ngai-Mûnene,’ na wîngî nîageîtania na rîîtwa rîa Jakovu, nake wîngî nîakaandîka njararî yake, ‘Wa Ngai-Mûnene,’ na eîtanagie na rîîtwa rîa Isiraeli.”

Mathaayo 27:66

Kwoguo nîmaathiîre na magîkîra îthiga rîrîa rîavingîte mbîrîra mûvûûri na magîcoka magîtiga athigari marangîrîte mbîrîra.