Nehemia 9:37 - ÎVUKU RÎA ÛVORO MWARO

³⁷ Ûtonga wa vûrûri ûyû ûthiîcaga kûrî athamaki arîa waigire matwathage, nîûndû tue nîtwevirie matwîkaga wa ûrîa makwenda vamwe na ndîthia cietû. Tûrî na thîna nyîngî mûno!”

Nehemia 9:37 ပူးပေါင်းရင်းမြစ်များ

Ezira 4:13

Mwathi wetû, ethîrwa îtûûra rîîrî nîrîgûtumwa rîngî na nthingo ciarîo itumwe irîke, andû acio nîmagûtiga kûrîva gooti irîa irîvagwa. Nacio mbeca irîa itonyaga mûthithûrî wa vûrûri nîikûnyiva.

Ezira 6:8

Makîria ma ûguo nîrathana ûndûrî wîgiî ûtumi wa hekarû ya Ngai rîngî atî mavûthîri monthe makaarîvagwa nî mûthithû wa vûrûri matagûcererwa. Mbeca cia kûrîva wîra ûcio ikonekaga na njîra ya gooti cia mîthemba yonthe îrîa îkaûnganagua kûu vûrûrirî ûrîa ûrî mwena wa îthûîro wa Rûnjî rwa Farati nîguo wîra ndûkarûngame.

Ezira 7:24

Wana nî tûramûmenyithia atî mûtiagîrîrwe nî gwîtia gooti kuuma kûrî athînjîri-Ngai, Alawi, aini a nyîmbo, arangîri na kîvingo, ndungata cia hekarû, kana mûndû wa wonthe ûkonenie na hekarû îno.

Nehemia 5:8

na ngîmera atîrî, “Tue, kûringana na ûvoti wetû twîthîrîtwe tûkîgûra andû etû a Ayahudi arîa meendetue kûrî andû a Ndûrîrî nîguo macoke kûrî tue. Nwatî mue mwendagia aa mûrwanyûkwe nîguo natue tûcoke twenderue o!” Atongoria acio nwa gûkira maakirire matarî na ûndû mangiuga.

Maca 5:5

Twîkîrîtwe îcoki ngingo na twavinyûrua mûno, tûrî anogu, na tûtingîtîkîrua tûvurûke.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Johana 8:33

Nao Ayahudi nîmaamwîrire atîrî, “Tue tûrî njiarwa cia Iburahimu na tûtianatuîka ngombo cia mûndû wana ûrîkû. Ûrenda kuga atîa rîrîa ûrauga atî nîtûgaakûûrwa ûkomborî?”

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Gûco 28:39

Nîmûkaavanda mîthavibu mîgûndarî yenyu na mûmîmenyerere, nwatî mûtikaanyua ndivei kana mûkethe thavibu icio, nîûndû thavibu nîikaarîwa nî igunyû.

Gûco 28:48

Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.

Gûco 28:51

Andû acio nîmakaarîa ndîthia cienyu na irio cienyu, nginya rîrîa mûkaarîwa nî yûra. Matikaamûtigarîria wanarî ngano, ndivei, maguta ma ndamaiyû, ng'ombe kana ng'ondu, nginya rîrîa mûgaakua.