Nehemia 9:32 - ÎVUKU RÎA ÛVORO MWARO

³² “Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Nehemia 9:32 ပူးပေါင်းရင်းမြစ်များ

1Atha 8:23

na akiuga atîrî, “Ngai-Mûnene, Ngai wa Isiraeli, gûtirî Ngai wîngî tawe îgûrû kana gûkû nthî! Nîûvingagia kîrîkanîro gîaku na andû aku na nîûmoonagia wendo ûtathiraga rîrîa matûûra makwîvokete.

2Atha 15:19

Tigilathi Pilesa, mûthamaki wa Asîria nîwatharîkîre vûrûrirî wa Isiraeli, na Menahemu Nîwamûvere kilo ngiri mîrongo îthatû na inya (34,000) cia sîlûva, nîguo Tigilathi Pilesa amûtethie gûtûma ûthamaki wake wîvande na athiî na mbere kwathana.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

2Atha 17:3

Shalimaneseri mûthamaki wa Asîria nîwarûire na Hoshea. Hoshea nîwenenganîre kûrî Shalimaneseri na nîwamûrîvaga gooti.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 23:29

Vîndî wa îo Josia aarî mûthamaki, Neko, mûthamaki wa Misiri nîwathiîre rûnjîrî rwa Farati gûtethereria mûthamaki wa Asîria. Mûthamaki Josia nîwathiîre kûrûa nake; nwatî mûthamaki Neko nîwamûragîre mbaararî kûu Megido.

2Atha 25:7

Nîmaaûragire anake a Zedekia akîyonagîra na metho make ke mwene, magîcoka makîmûkûûra metho na mûthiiarî nîmaamwovire na mvîngû na makîmûvira Babuloni.

Ezira 4:10

wa vamwe na mavûrûri marîa Osinapari mûthamaki ûrîa warî mûnene na mûtîîe aarutîte mavûrûrirî mao makîthiî gûtûûra îtûûrarî rîrîa rînene rîa Samaria, na vûrûri ûrîa wîngî ûrî mûringo wa Rûnjî rwa Farati mwena wa îthûîro.”

Ezira 4:2

Kwoguo nthû icio nîciathiîre ikîaria na Zerubabeli na anene a nyomba cia andû a Juda na Benjamini na ikîmwîra atîrî, “Twîtîkîrie tûmûtethie, gûtuma hekarû. Tûgoocaga Ngai ûrîa mûgoocana na twîthîrîtwe tûkîmûrutîra magongoona kuuma vîndî îrîa ya Esarihadoni mûthamaki wa Asîria atûretire gûkû tûtûûre kuo.”

Ezira 9:13

Ûrîa wonthe wîkîkîte kûrî tue wîkîkîte nîûndû wa mevia na mavîtia metû. Nwatî we Ngai wetû îvera rîrîa ûtûverithîtie narîo nî rînini gûkîra ûrîa twagîrîrwe nî kûverithua, na ûgetîkîra tûtigare tûtarî athiru viû.

Nehemia 1:5

Navoire ngiugaga atîrî, “Ngai-Mûnene, Ngai wa îgûrû! Wî Ngai mûnene na nîtûgwîtigîrîte. We Ngai nîwigaga kîrîkanîro na ûrî wendo ûtathiraga kûrî andû arîa makwendete na marûmagîrîra maathani maku.

Thaburi 47:2

Nîûndû Ngai-Mûnene, ûrîa ûrî Îgûrû Mûno, agîrîrwe nî gûtîîwa; nîke mûthamaki mûnene, ûrîa wathanaga nthî yonthe.

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Thaburi 66:5

Ûkani mwone ûrîa Ngai ekîte, nîekîte maûndû ma kûgegania gatagatîrî ka andû.

Ntha 18:8

Musa nîwacokire akîîra Jethiro maûndû monthe marîa Ngai-Mûnene eekire mûthamaki wa Misiri na andû ake. Maûndû mau meekirwe nîguo Ngai-Mûnene avonokie andû a Isiraeli. Musa nîwerire mûthoniwe mathîna marîa moonire marî njîrarî na ûrîa Ngai-Mûnene aamavonoketie kuuma kûrî mathîna mau.

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Danieli 9:4

Nînavoire Ngai-Mûnene, Ngai wakwa na ngiumbûra mevia marîa meekîtwe nî andû akwa. “Nînaugire atîrî, ‘Mwathani, wî Ngai mûnene na nîwîkaga maûndû ma magegania. We nîwigaga kîrîkanîro gîaku, na nîwonanagia wendo ûtathiraga kûrî andû arîa makwendete na mathîkagîra maathani maku.

Danieli 9:6

Nîtûregete kwîgua arathi, ndungata ciaku arîa maaragîria athamaki etû, aathani, methe metû ma tene, na andû onthe a vûrûri na njîra ya rîîtwa rîaku.

Danieli 9:8

Ngai-Mûnene, tue, athamaki etû, aathani etû, na methe metû, tûrî na gîconoko nîûndû nîtûkûvîtîrîtie.

Alawi 26:18

“Ethîrwa wana neka maûndû mau monthe mûtikaavingia Maathani makwa, nî ngaamûverithia makîria nîûndû wa mevia menyu.

Alawi 26:21

“Ethîrwa nî mûkaathiî na mbere kûregana nanie na mûrege kûmbathîkîra nî ngaamûverithia maita mûgwanja makîria ya mevia menyu.

Alawi 26:24

Nie mwene nî ngaaregana namue na nîmûverithie maita mûgwanja nîûndû wa mevia menyu.

Alawi 26:28

nîngaaregana namue nîrî na marakara, na nîmûverithie maita mûgwanja nîûndû wa mevia menyu.

Gûco 7:12

“Ethîrwa mûkegucaga maathani mama na mûmathîkagîre na kinyi, Ngai-Mûnene, Ngai wenyu akaavingagia kîrîkanîro gîake namue, na amwonagie wendo ûtathiraga wata ûrîa aarîkanîre na methe menyu.

Gûco 7:13

Akaamwendaga, amûrathimage, na atûme mwongerereke mûtuîke rûrîrî rûnene. Ngai-Mûnene nîakaarathima ciana cienyu na mîgûnda yenyu, na maciaro ma mîgûnda yenyu nîguo mwîthagîrwe mûrî na ndivei na maguta, na amûrathime na ng'ombe na ng'ondu nyîngî. Ngai-Mûnene nîakaamûrathima na indo icio cionthe mûrî vûrûrirî ûrîa eerîre methe menyu atî nîakaamûva.

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.