Nehemia 9:31 - ÎVUKU RÎA ÛVORO MWARO

³¹ Nwatî kûnarî ûguo nîûndû ûrî ntha nyîngî mûno, ndwanamathiria kana ûmatiganîria. Ngai, we ûrî mwaro na ûrî ntha!

Nehemia 9:31 ပူးပေါင်းရင်းမြစ်များ

2Atha 13:23

Nwatî Ngai-Mûnene nîwamatugire na akîmeguîra ntha. Ndaamatiganîria macûkangue, nwatî nîwamatethirie nîûndû wa kîrîkanîro kîrîa aarûthîte na Iburahimu, Isaka na Jakovu. Ngai-Mûnene ndaanatiganîria andû ake nginya ûmûnthî.

2Maû 30:9

Ethîrwa nîmûgûcoka kûrî Ngai-Mûnene, andû enyu na ciana cienyu nîmakeguîrwa ntha nî andû arîa maamatavire na nîmagaacoka vûrûrirî ûyû, nîûndû Ngai-Mûnene, Ngai wenyu arî ntha na wendo na ndakaariganîrwa nî mue mûngîmûcokerera.”

Nehemia 9:17

Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Nehemia 9:19

Nwatî ndwamatiganîria kûu werûrî, nîûndû ntha ciaku nî nyîngî. Îtu rîrîa rîamatongoragia mûthenya rîtîamathengutîra, na ndwamathengutîria mwaki kuuma îtuurî ûrîa wamamûrîkagîra njîra ûtukû.

Isaia 48:9

“Nîûndû wa rîîtwa rîakwa nîngûthiria marakara makwa, nîûndû wa ûkumio wa rîîtwa rîakwa nîngwîrigîrîria marakara makwa, nîmarigîrîria nîguo ndikamûthirie.

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 5:10

Unûkiani mûvîtûkîrîrîte mîtîrî yake ya mîthavibu na mûmîcûkangie, nwatî mûtikamîcûkangie viû. Thîgani mvûa ciayo, nîûndû tî cia Ngai-Mûnene.

Jeremia 5:18

“Nwatî wana mîthenyarî îo, nie Ngai-Mûnene ndikamûcûkangia mûthire.

Maca 3:22

Atî wendo ûtathiraga wa Ngai-Mûnene ûtûraga tene na tene, ntha ciake itithiraga.

Danieli 9:9

We Mwathani Ngai wetû nîwîgucanagîra ntha, na nîwovanagîra wana ethîrwa nîtûreganîte nawe.

Gûco 4:31

Ngai-Mûnene, Ngai wenyu arî ntha. Ndakaamûtiganîria kana amûcûkangia na ndakaariganîrwa nî kîrîkanîro kîrîa ke mwene aarûthire na methe menyu na akîmerîra na mwîvîtwa.