Nehemia 9:29 - ÎVUKU RÎA ÛVORO MWARO

²⁹ Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Nehemia 9:29 ပူးပေါင်းရင်းမြစ်များ

2Atha 17:13

Ngai-Mûnene nîwakaanîtie andû a Isiraeli na a Juda na njîra ya arathi onthe na oni akameera atîrî, “Tiganani na mîtugo yenyu mîcûku na mûrûmîrîre maathani makwa na irîra ciakwa, wata ûrîa mandîkîtwe wathorî ûrîa naveere methe menyu na marîa naamûtûmîre kûvîtûkîrîra kûrî arathi, ndungata ciakwa.”

2Atha 17:14

Nwatî nîmaaregire kwathîka; nîmaaûmirie ngoro ciao wata methe mao arîa maaregire gwîtîkia Ngai-Mûnene Ngai wao.

2Maû 24:19

Kûnarî ûguo Ngai-Mûnene nîwatûmire arathi kûrî andû acio makameere mamûcokerere, nwatî nîmaaregire kûmathikîrîria.

2Maû 33:10

Ngai-Mûnene nîwakaanirie mûthamaki Manase na andû ake, nwatî matiamûthikîrîria.

2Maû 36:15

Ngai-Mûnene, Ngai wa methe mao nîwatûmanîte kûrî o maita meengî kûvîtûkîra kûrî anjaama ake, nîûndû nîwamegucagîra ntha wa vamwe na hekarû yake.

Nehemia 13:15

Kavinda kau nînonire andû a Juda makîviva thavibu mûthenya wa thavatû na nîmaaretaga irio cia mîgûnda maikuithîtie mvunda. Na engî nîmaaretaga ndivei, thavibu, na ndamaiyû îtûûrarî rîa Jerusalemu mûthenya wa thavatû maikuîte na mvunda. Nînaamakaanirie na ngîmeera matikendie indo mûthenya wa thavatû.

Nehemia 9:10

Nîwaringire ciama cia magegania cia kûregana na ûthamaki wa Misiri, atongoria ake onthe na andû onthe a vûrûri wake, nîûndû nîwamenyete ûrîa maavinyîrîrie methe metû ma tene. Nîwagîre na îgweta wata ûrîa kûrî ûmûnthî.

Nehemia 9:16

Nwatî methe metû ma tene nîmaaûmirie ciongo ciao na magîtuîka etîi, na nîmaaregire kwathîkîra maathani maku.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Ntha 10:3

Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.

Jeremia 17:23

Kûnarî ûguo, methe menyu ma tene matianthikîrîria kana mambîgua. Vandû va ûguo, nîmaûmirie ciongo nîguo matikegue kana marûmîrîra kîrîra gîakwa.”

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 42:19

Jeremia nîwathiîre na mbere kwîra andû atîrî, “Mue andû a Juda arîa mwatigarire, Ngai-Mûnene aramwîra mûtikathiî Misiri. Menyani atî ûmûnthî nînamûkania

Jeremia 43:2

Azaria mwana wa Hoshaia, Johanani mûvîcî wa Karea na andû onthe etîi, nîmerire Jeremia atîrî, “Ngai-Mûnene Ngai wetû, ndaagûtûma ûtûîre tûtikathiî Misiri tûgatûûre kuo.

Jeremia 44:10

Nginya ûmûnthî mûtianenyivia kana mwîndigîra wana mûrûmîrîra watho wakwa na maathani makwa marîa namûveere na ngîva methe menyu.”

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Ezek 20:11

Nînaamavere irîra ciakwa na ngîmamenyithia mawatho makwa nîguo mûndû amarûmîrîra atûûre mwoyo.

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Hosea 6:5

Nîkîo nîmathithûkîrîte na njîra ya arathi, nînîmacûkangîtie na ciugo ciakwa, îtuîro rîakwa nî ta riûa rîkîratha.

Alawi 18:5

Rûmagîrîrani maûndû na mawatho marîa ngûmûva; mûndû ûrîa ûgeeka ûguo nîakaavonokia mwoyo wake. Nie nînie Ngai-Mûnene, Ngai wenyu.

Mathaayo 19:17

Nake Jesû nîwamûcokerie atîrî, “Nîkî kîratûma ûmbûrie ûvoro wîgiî ûndû ûrîa mwaro? Kûrî na mûndû ûmwe tu mwaro. Ethîrwa nîûrenda gûgaatonya mwoyorî, athîkagîra maathani.”

Luka 10:28

Nake Jesû nîwamwîrire atîrî, “We nîwacokia waro. Îkaga ûguo na nîûgûtûûra mwoyo.”

Aroma 10:5

Musa nîwandîkire ûvoro wîgiî ûrîa mûndû atuîkaga mûthingu na njîra ya kwathîkîra watho na akiuga atîrî: “Mûndû wa wonthe wathîkagîra watho nî agaatûûra mwoyo.”

Agal 3:12

Nwatî watho ndumanîte na wîtîkio. Vandû va ûguo mandîko matheru maugîte atîrî, “Mûndû wa wonthe wîkaga ûrîa watho ugîte nî agaatûûra mwoyo.”

Gûco 31:21

Nîmakaanyitwa nî mîthiro mîîngî na mathîna. Nwatî rwîmbo rûrû rûkaainagwa nî andû a Isiraeli rûrî ûira kûrî o, na njiarwa ciao itikaariganîrwa nî ruo. Nie nîmbicî meciria mao wana mbere ya nîmavira vûrûrirî ûrîa nameerîre na mwîvîtwa atî nîngaamava.”

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.

Atir 6:10

Naamwîrire atî, Nînie Ngai-Mûnene, Ngai wenyu na mûtikagooce ngai cia Aamoni, arîa ene vûrûri ûyû mûtûîre. Nwatî mûtianthikîrîria.’ ”