Nehemia 9:27 - ÎVUKU RÎA ÛVORO MWARO

²⁷ Kwoguo nîwamanenganîre kûrî nthû ciao na nthû icio ikîmaûkîrîra. Vîndî ya mînyamaaro îo nîmaagûkaîre, nawe ûrî îgûrû nîwegwire kîrîro Kîamo. Nîûndû wa ntha ciaku nyîngî nîwamavere atongoria, arîa maamavonokirie kuuma kûrî nthû ciao.

Nehemia 9:27 ပူးပေါင်းရင်းမြစ်များ

2Atha 13:5

Kwoguo Ngai-Mûnene nîwatûmîre andû a Isiraeli mûtongoria, ûrîa wamavonokirie kuuma kûrî andû a Sîria. Kwoguo andû a Isiraeli nîmaatûûrire mîciîrî yao marî na thayû wata ûrîa maatûûraga mbere.

2Atha 14:27

Nwatî Ngai-Mûnene ndaarî na mworoto wa kûthiria viû andû a Isiraeli gûkû nthî. Kwoguo nîwamavonokirie kûvîtûkîrîra kûrî Jeroboamu, mûvîcî wa Joashi.

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Atha 17:39

Nwatî mûkangoocaga nie, Ngai-Mûnene Ngai wenyu, na nîngaamûvonokia kuuma kûrî nthû cienyu cionthe.”

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Nehemia 9:19

Nwatî ndwamatiganîria kûu werûrî, nîûndû ntha ciaku nî nyîngî. Îtu rîrîa rîamatongoragia mûthenya rîtîamathengutîra, na ndwamathengutîria mwaki kuuma îtuurî ûrîa wamamûrîkagîra njîra ûtukû.

Thaburi 136:24

na agîtûvonokia kuuma kûrî nthû cietû; nîûndû wendo wake ûtathiraga ûtûûraga tene na tene.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Obadia 1:21

Andû arîa magaatigara marî mwoyo nîmakaathiî kîrîmarî gîa Zayuni, nao nîmakaathaga kîrîma gîa Esaû, Nake Ngai-Mûnene nîke ûgaatuîka mûthamaki.”

Atir 2:18

Vîndî îrîa Ngai-Mûnene ava Aisiraeli mûtongoria, Ngai-Mûnene nîwatethagia mûtongoria ûcio na nîwavonokagia Aisiraeli kuuma kûrî nthû ciao vîndî cionthe rîrîa mûtongoria ûcio ethagîrwa arî mwoyo. Ngai-Mûnene nîwegucagîra Aisiraeli ntha, nîûndû wa mathîna ma andû arîa maamavinyagîrîria.