Nehemia 9:22 - ÎVUKU RÎA ÛVORO MWARO

²² “Nîwamavere mothamaki na ndûrîrî, na nîwamagaîre mîena yonthe ya vûrûri. Kwoguo nîmegwatîre Heshiboni vûrûri wa mûthamaki Sihoni, na makîîgwatîra Bashani vûrûri wa mûthamaki Ogu.

Nehemia 9:22 ပူးပေါင်းရင်းမြစ်များ

Thaburi 105:44

Nîwamavere mîgûnda ya mavûrûri ma andû engî, na makîîgwatîra mîgûnda ya andû arîa maatûûraga kuo,

Thaburi 78:65

Mwathani nîwacokire akîramûka takwa aaumîte tororî, ta mûndûmûrûme njamba acanjamûrîtwe nî ndivei.

Jeremia 27:5

Nînie naûmbire nthî na ngîûmba andû na nyamû cionthe irîa irî kuo na ûvoti na vinya wakwa na nîmîvecaga mûndû wa wonthe ûrîa ngwona agîrîrîte.

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Gûco 1:4

Eekire ûguo arîkia kûvoota Sihoni, mûthamaki wa Amori ûrîa wathanaga arî îtûûrarî rîa Heshiboni, na Ogi, mûthamaki wa Bashani ûrîa wathanaga arî matûûrarî ma Ashitarothu na Edirei.

Gûco 32:26

Nînîngîamathiririe onthe viû, mariganîre gûkû nthî.

Gûco 4:46

Vîndî îo maarî Kîamndarî mwena wa îrathîro wa rûnjî rwa Jorodani kwerekera Bethi-peori. Vûrûri ûyû wathagwa nî Sihoni, mûthamaki wa Amori, ûrîa wathanaga arî îtûûrarî rîa Heshiboni. Sihoni nîwavootirwe nî Musa na andû a Isiraeli marîkia kuuma Misiri.

Gûco 4:47

Andû a Isiraeli nîmegwatîre vûrûri ûcio vamwe na vûrûri wa Ogu, mûthamaki wa Bashani, athamaki aîrî a Amori arîa maathaga mavûrûri marîa marî mwena wa îrathîro wa rûnjî rwa Jorodani.

Josh 10:11

Vîndî îrîa Amori maavinyûrîte mavîtûkîrîrîte mwanyarî wa kîrîma maûrîte kuuma kûrî athigari a Isiraeli, Ngai-Mûnene nîwatûmire maurîrwe nî mbura ya mbembe. Mbura îo nîyamaurîre nginya magîkinya Azeka. Amori eengî nîmaaûragirwe nî mbura îo ya mbembe gûkîra arîa maaûragirwe nî athigari a mbaara a Isiraeli.

Josh 11:23

Kwoguo Joshua nîwanyitire vûrûri wonthe kûringana na ûrîa Ngai-Mûnene aathîte Musa. Nake Joshua nîwavere andû a Isiraeli vûrûri ûcio ûtuîke wao na nîwaûgaanirie icunjî kûringana na mîvîrîga ya andû a Isiraeli. Nao andû a Isiraeli magîtiga kûrûa.