Nehemia 9:17 - ÎVUKU RÎA ÛVORO MWARO

¹⁷ Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Nehemia 9:17 ပူးပေါင်းရင်းမြစ်များ

1Atha 6:13

Nîngaatûûrania na andû akwa Aisiraeli na ndikaamatiganîria.”

1Atha 8:57

Ngai-Mûnene, Ngai wetû aroekara natue, wata ûrîa eekaraga na methe metû ma tene; na ndagatûtige kana ariganîrwa nî tue.

2Maû 36:13

Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

Ezira 9:9

Wana ethîrwa twarî ngombo, we Ngai wetû ndwatûtiganîria ûkomborî. Nîwatûmire mûthamaki wa Perisia atwonie wendo ûtathiraga na agîtîkîra tûtûûre na tûtume hekarû yaku îrîa yarî nyomomoku, na agîtûva ûgitîri tûrî gûkû Juda na Jerusalemu.

Nehemia 9:31

Nwatî kûnarî ûguo nîûndû ûrî ntha nyîngî mûno, ndwanamathiria kana ûmatiganîria. Ngai, we ûrî mwaro na ûrî ntha!

Thaburi 106:13

Nwatî nîmaariganîrwe nî ciîko cia Ngai wa rîo, na makîrega gweterera ûtaari wake.

Thaburi 106:7

Rîrîa methe metû maarî Misiri, matiataûkîrwa nî ciîko cia magegania irîa Ngai eekire, matiaririkana ûrîa aamoonirie wendo ûtathiraga maita meengî, nwatî nîmaareganire na ûrîa ûrî Îgûrû Mûno marî îriarî îtune.

Thaburi 130:4

Nwatî we nîûtwovagîra, nîguo tûgûtîîage.

Thaburi 78:10

Matiavingia kîrîkanîro Kîamo na Ngai, na nîmaaregire kwathîkîra watho wake.

Thaburi 78:11

Nîmaariganîrwe nî ûrîa Ngai eekîte, na ciama irîa moonire akîringa.

Thaburi 78:38

Nwatî Ngai nîwaeguîrîre andû ake ntha, na akîmarekera mevia mao. Mavinda meengî nîwerigagîrîria kûrakara, na nîwerigagîrîria mang'ûrîka.

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Ntha 32:9

Nîmbîcî ûrîa andû aya maûmîtie ciongo.

Nthi 1:24

Nîûndû naamwîtire na mûkîrega kwîgua, namûveneerie na njara na gûtirî mûndû watindanîrîre nanie.

Jeremia 18:15

Nwatî andû akwa nîmariganîrîtwe nî nie, mavîvagîria ngai cia mîvuano ûbani, nîmavîngîcîtwe njîrarî ciao, matirûmagîrîra njîra ciao cia tene, mathiîcagîra tûcangiri vandû va varavara îrîa nene.

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Ezek 5:6

Jerusalemu nîyareganire na mawatho makwa na îgîka maûndû macûku gûkîra mavûrûri marîa mengî, îgîtuîka îtûûra îremi gûkîra mavûrûri marîa marîthiûrûrûkîrîtie; nîyareganire na kîrîra gîakwa na matuîro makwa ma ciira.

Danieli 9:9

We Mwathani Ngai wetû nîwîgucanagîra ntha, na nîwovanagîra wana ethîrwa nîtûreganîte nawe.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Alawi 26:44

Nwatî kûnarî ûguo, ndikaamatiganîria viû kana nîmacûkangia viû vîndî îrîa makethîrwa marî vûrûrirî wa nthû ciao, atî nîguo wîthîrwe ûrî mûthiia wa kîrîkanîro gîetû nao, nîûndû Nie nînie Ngai-Mûnene, Ngai wao.

Nahumu 1:3

Ngai-Mûnene ndarakaraga na îvenya nwatî arî vinya nyîngî; ke ndetîkagîra arîa marî na mevia mathiî mataverithîtue. Varîa Ngai-Mûnene avîtûkagîrîra nî vaumaga rûkûngi na kîvuvûkanio; matu nî rûkûngû rûrîa rûgûrûkagua nî makinyo make.

Ndari 14:11

Ngai-Mûnene nîwaûririe Musa atîrî, “Andû aya nîmatûûra mareganîte nanie nginya rî? Nîmatûûra maregete kûnîîvoka nginya-rî, na nîguo nanaringa ciama nyîngî makîonaga?

Ndari 14:41

Nwatî Musa nîwaugire atîrî, “Nîndûî gîtûmaga mûrega kwathîkîra Ngai-Mûnene? Mûtikavootana!

Ndari 16:14

Nama we ndwanatûkinyia vûrûrirî ûrîa wîcûrîte îriia na ûûkî, na ndwanatûgaîra ithaka na mîgûnda ya mîthavibu îtuîke yetû. Ûreciria nwa ûveenie andû aya onthe? Tîtûka!”

Ciîko 7:39

“Nwatî Musa ûcio nwake methe metû ma tene maaregire kwathîkîra. Nîmaamûregire na makîîrirîria gûcoka Misiri.

Aroma 9:15

Nîûndû Ngai nîwerire Musa atîrî, “Nie ngegucagîra ntha wa ûrîa nenda kwîguîra ntha, na ngacaagîra wa ûrîa nenda gûcaîra.”

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

1Sam 12:22

Ngai-Mûnene nîamûthuurîte mûgatuîka andû ake na nîamwîrîrîte atî ke ndakaamûtiganîria.