Nehemia 9:13 - ÎVUKU RÎA ÛVORO MWARO

¹³ Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Nehemia 9:13 ပူးပေါင်းရင်းမြစ်များ

2Atha 17:37

Mûkaavingagia vîndî cionthe mawatho, irîra na maathani marîa naamwandîkîre. Mûtikagooce ngai ciîngî,

Ezira 7:6

Ezira aarî mûthomi na mûndû warî na ûûgî ûvororî wîgiî watho ûrîa Ngai-Mûnene, Ngai wa Isiraeli aaveete Musa. Ezira nîwaumire Babuloni. Ngai-Mûnene, Ngai nîwamûrathimîte. Kwoguo mûthamaki nîwavere Ezira kîndû kîonthe kîrîa eetîrie.

Thaburi 119:137

We Ngai-Mûnene, wî mûthingu, na matuîro maku ma ciira nî ma ma.

Thaburi 119:160

Gatûûrû ga kiugo gîaku nî ûûma; matuîro maku ma ciira ma ûthingu nîmatûûra tene na tene.

Thaburi 119:4

We Ngai, nîûtûvete mawatho maku nîguo tûmarûmagîrîre na kinyi.

Ntha 16:23

Nake Musa nîwamerire atîrî, “Ngai-Mûnene athanîte atî rûyû nî mûthenya mûtheru wa kûvurûka nîûndû wa gûkumia Ngai-Mûnene. Rugani kîrîa mûvatarîtue nîkîo ûmûnthî na kîrîa gîgûtigara nîkigwe nîûndû wa rûyû.”

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 20:1

Ngai nîwaririe ciugo ino cionthe akiuga atîrî,

Ntha 20:22

Ngai-Mûnene nîwathire Musa akeere andû a Isiraeli atîrî, “Mue ene nîmweîguîra ngîaria namue kuuma îgûrû.

Isaia 64:1

Naarî kethîrwa wavingûra matu ûnyûrûrûke nthî, irîma ingîkwona ikainaina nî guoya.

Isaia 64:3

Rîrîa wekire maûndû ma kûgegania marîa tûterîgîrîre; nîwanyûrûrûkire nthî na ûgîtûma irîma cinaine nî guoya ciakwona.

Habakuku 3:3

Ngai nîaûkîte kuuma Temani, Ngai ûrîa mûtheru aûkîte kuuma kîrîma gîa Parani. Riiri wake ûkunîkîte îgûrû kuonthe; nayo nthî îcûrîte ngumo yake.

Aroma 7:16

Na rîu ethîrwa mbîkaga maûndû marîa menete, nîngwîtîkîra atî watho nî mwaro.

Gûco 33:2

Augire atî: Ngai-Mûnene aaumire kîrîmarî gîa Sinai; aatumîrîre ta riûa kuuma kîrîmarî Kîam Edomu, na akîarîra andû ake arî kîrîmarî gîa Parani. Aaûkire arî na araika ngiri makûmi meengî, aanyitîte rûrîrîmbî rwa mwaki na njara.

Gûco 4:33

Kûrî andû manegua mûgambo wa ngai îkîaria îrî mwakirî na magîtûûra ta ûrîa mue mwegwire na mûgîtûûra?

Gûco 4:36

Nîwatûmire mwîgue mûgambo wake arî kûu îgûrû nîguo amûthomithie, nakuo gûkû nthî nîwatûmire mwone mwaki wake mûnene na mûkîgua mûgambo wake ûrî mwakirî ûcio.

Gûco 4:8

Na nî vûrûri ûrîkû wana ethîrwa ûrî mûnene atîa ûrî na mawatho maro na matuîro ma ciira ta kîrîra gîkî kîonthe nîmûthomithîtie ûmûnthî?

Gûco 5:4

Ngai-Mûnene nîwaririe namue mûkîyonagîra arî mwakirî kûu kîrîmarî.