Nehemia 8:6 - ÎVUKU RÎA ÛVORO MWARO

⁶ Ezira nîwaugire atîrî, “Ngai-Mûnene, Ngai ûrîa mûnene nîakumue!” Andû onthe nîmaambararirie njara na îgûrû rîerarî na magîcokia atîrî, “Ameni! Ameni!” Nao nîmaaturirie maru magîturumithia mothiû mao nthî na makîgooca Ngai-Mûnene.

Nehemia 8:6 ပူးပေါင်းရင်းမြစ်များ

Kîam 14:22

Aburamu nîwamûcokerie atîrî, “Nie nîngwîvîta nîrî mbere ya Ngai-Mûnene, Ngai ûrîa ûrî Îgûrû Mûno, na ûrîa waûmbire îgûrû na nthî

Kîam 24:26

Mûndû ûcio nîwenamîrîre, akîgooca Ngai-Mûnene,

1Maû 16:36

Ngai-Mûnene, Ngai wa Isiraeli, Nîakumue! Nîakumue nginya tene na tene.” Andû onthe nîmaacokire makiuga, “Ameni,” na nîmaakumirie Ngai-Mûnene.

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

1Maû 29:20

Daudi nîwacokire akîra andû arîa onthe maagomanîte atîrî, “Kumiani Ngai-Mûnene, Ngai wenyu!” Nao andû onthe arîa maagomanîte nîmaakumirie Ngai-Mûnene, Ngai wa methe mao ma tene. Nîmeenamîrîrie ciongo ciao, makîgooca Ngai-Mûnene na makîva mûthamaki gîtîîo.

2Maû 20:18

Mûthamaki Jehoshafati nîwenamîrîre na agîturumithia ûthiû wake nthî, nao andû onthe a Juda na a Jerusalemu nîmeenamîrîre na magîturumithia mothiû mao nthî na makîgooca Ngai-Mûnene.

2Maû 29:10

“Rîu nînduîte kûrûtha kîrîkanîro na Ngai-Mûnene, Ngai wa Isiraeli, nîguo ndagatûrakarîre rîngî.

2Maû 29:30

Nake mûthamaki Hezekia na anene nîmaathire Alawi makumie Ngai-Mûnene na nyîmbo irîa ciatungîtwe nî Daudi na Asafu, ûrîa warî mwoni. Kwoguo andû onthe nîmaakumirie Ngai-Mûnene marî na gîkeno na nîmeenamîrîrie mothiû mao nthî na makîgooca Ngai.

2Maû 6:4

Nîwaugire atîrî, “Kumiani Ngai-Mûnene, Ngai wa Isiraeli! Ke nîavingîtie kîîranîro kîrîa erîîre vava Daudi rîrîa aamwîrire atî,

Nehemia 5:13

Nînarutire nguo yakwa îrîa nerigicîrîtie kîûnû na ngîmîrivariva na ngiuga atîrî, “Ûguo nîguo Ngai akaarivariva mûndû wa wonthe ûtakaavingia ûrîa eranîra. Ngai nîakaamûcuna nyomba cienyu na indo cionthe irîa mûrî nacio, amûtige mûtarî na kîndû.” Nao andû onthe arîa maagomanîte vau nîmaaugire “Ameni” na nîmaagocire Ngai. Nao andû nîmeekire ûrîa meeranîrîte.

Nehemia 8:7

Alawi aya nîmaatethererie andû gûtaûkîrwa nî watho: Jeshua, Bani, Sherebia, Jamini, Akubu, Shebethai, Hodia, Maaseia, Kelita, Azaria, Jozabadi, Hanani, na Pelaia. Vîndî îo andû maarûngamîte wa vau maarî.

Thaburi 134:2

Ambarariani njara mûvoe mûrî varîa vatheru, na mûkumie Ngai-Mûnene!

Thaburi 141:2

Amûkîra îvoya rîakwa ta mûtararûko wa ûbani, na wamûkîre njara ciakwa, irîa mbûkîrîrîtie ta îgongoona rîa kîvwaî.

Thaburi 28:2

Thikîrîria Ngai-Mûnene ngîgûkaîra ûndethie, mbûkîrîrîtie njara ciakwa nîcierekeretie hekarûrî yaku ntheru.

Thaburi 41:13

Ngai-Mûnene, Ngai wa Isiraeli arokumua! Arokumua tene na tene! Ameni! Ameni!

Thaburi 63:4

Nîndûûra ngûcokagîria ngatho ûtûûrorî wakwa wonthe; ngaakûvoyaga mbûkîrîrîtie njara ciakwa.

Thaburi 95:3

Nîûndû Ngai-Mûnene, nî Ngai mûnene, na nî mûthamaki mûnene gûkîra ngai cionthe.

Ntha 12:27

mue nîmûkaamera atîrî, ‘Nî îgongoona rîa pasaka rîa gûkumia Ngai-Mûnene, nîûndû nîwagararire nyomba cia andû a Isiraeli vûrûrirî wa Misiri. Vîndî îo Ngai-Mûnene nîwaûragire andû a Misiri, nwatî tue nîwatwîguîrîre ntha.’ ” Nao andû a Isiraeli nîmaaturirie ndu na makîgooca.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Jeremia 28:6

na akîmwîra atîrî, “Ameni! Ngai-Mûnene aroîka guo. Ngai-Mûnene arovingia maûndû marîa waratha na acokie indo cionthe cia hekarû kuuma Babuloni, airete gûkû vamwe na andû arîa onthe maatavîtwe makavirwa îthamîriorî.

Maca 3:41

Nîtûrorie ngoro cietû kûrî Ngai na tûûkîrîrie njara tûmûvoe atîrî:

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Mathaayo 26:39

Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

1Akor 14:16

Nwatî ethîrwa mue mûkumagia Ngai na roho wenyu, mûndû ûrîa ûtarî mûtaûkîre na mûrî nake mavoyarî menyu angîvota atîa kuga “Ameni”? Ke ndangîvota kûmenya ûrîa ûrauga.

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

Kûguû 7:11

Araika onthe maarûngamîte mathiûrûrûkîrîtie gîtî Kîam ûthamaki, athuuri na ciûmbe inya irîa irî mwoyo. Nao araika acio nîmeegwîthirie magîturumithia mothiû mao nthî mbere ya gîtî Kîam Ûthamaki na makîgooca Ngai,