Nehemia 8:17 - ÎVUKU RÎA ÛVORO MWARO

¹⁷ Andû onthe arîa maaûkîte kuuma îthamîriorî nîmaatumire tûnyomba magîtûûra kuo. Kuuma vîndî ya Joshua mûvîcî wa Nuni nginya mûthenya ûcio andû a Isiraeli matiagîte na kîrugo gîa tûnyomba. Andû a Isiraeli nîmaagîre na gîkeno kînene mûno.

Nehemia 8:17 ပူးပေါင်းရင်းမြစ်များ

1Maû 29:22

Kwoguo mûthenya ûcio andû nîmaarîre na makînyua makenete mûno marî mbere ya Ngai-Mûnene. Nîmaacokire magîtua Solomoni mûvîcî wa Daudi mûthamaki riita rîa kaîrî. Nîmeetîrîrie Solomoni maguta mbere ya Ngai-Mûnene makîmûtua mwathi wao na Zadoku agîtuîka mûthînjîri-Ngai.

2Maû 30:26

Kwoguo kwarî na gîkeno kînene mûno îtûûrarî rîa Jerusalemu, nîûndû kuuma vîndî ya Solomoni mûvîcî wa Daudi, mûthamaki wa Isiraeli gûtiagîîte ûndû wîngî ta ûcio îtûûrarî rîa Jerusalemu.

2Maû 35:18

Gûtirî pasaka ta îo yarî yanakûngûîrwa kuuma vîndî ya mûrathi Samueli kûu Isiraeli. Gûtirî mûthamaki wa Isiraeli mbererî wanakûngûîra pasaka ta îo yakûngûîrwe nî mûthamaki Josia, athînjîri-Ngai, Alawi na andû onthe a Juda na Isiraeli arîa maarî vo, na andû arîa matûûraga Jerusalemu.

2Maû 8:13

Aarutaga magongoona mîthenya îrîa mîamûre kûringana na ûrîa watho wa Musa waugîte. Mîthenya îo nî: thavatû, karûngamo ka mweri, na vîndî ya irugo ithatû cia wa mwaka, na nîcio: kîrugo Kîam mîgate îtarî mîkîre ndawa ya kwimbia, kîrugo Kîam vîndî ya maketha, na kîrugo gîa tûnyomba.

Ezira 3:4

Nîmaakûngûîre kîrugo gîa tûnyomba twa magema wata ûrîa kwandîkîtwe wathorî, na wa mûthenya nîmaarutaga matega ma kûvîvua mwîgana ûrîa wavataranagua.

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Gûco 16:15

Mûgaakûngûagîra kîrugo gîkî îvinda rîa mîthenya mûgwanja mûrî varîa Ngai-Mûnene Ngai wenyu akaathuura va kûgoocagîrwa, îrî njîra ya kûmûva gîtîîo. Kenagani nîûndû Ngai-Mûnene Ngai wenyu nîakaarathima maketha ma mîgûnda yenyu na wîra wonthe ûrîa mûrutaga.

Ahib 11:13

Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.

Ahib 11:9

Na njîra ya wîtîkio Iburahimu atûûrire arî ta mûgeni vûrûrirî ûrîa Ngai aamwîrîîre. Aatûûraga magemarî wata ûrîa Isaka na Jakovu maatûûraga, arîa wa nao maaverwe kîîranîro wata kîu nî Ngai.

Ahib 4:8

Kethîrwa Joshua nîwavere andû kîvurûko kîrîa meerîrîtwe, Ngai ndangîacokire kwaria vuvarî ûvoro wîgiî mûthenya wîngî.

Josh 1:1

Vuva wa Musa ndungata ya Ngai-Mûnene gûkua, Ngai-Mûnene nîwerire Joshua mûvîcî wa Nuni, ûrîa watethagîrîria Musa