Nehemia 8:16 - ÎVUKU RÎA ÛVORO MWARO

¹⁶ Kwoguo andû nîmaathiîre na makîrete mvûa icio na magîtuma wa mûndû kanyomba gake. Wa mûndû nîwatumire kanyomba kamwe îgûrû rîa nyomba yake, na kengî kamwe nja ya nyomba, na kengî kamwe nja ya nyomba ya Ngai, na kanyomba kengî kîvarorî kîrîa kîrî vakuvî na Kîvingo Kîam Manjî, na kengî kîvarorî vakuvî na Kîvingo Kîam Efiraimu.

Nehemia 8:16 ပူးပေါင်းရင်းမြစ်များ

2Sam 11:2

Mûthenya ûmwe kîvwaî, Daudi nîwaûkîrire akiuma varîa aanogokaga na agîtwa îgûrû rîa nyomba ya Mûthamaki. Rîrîa aacerangaga kûu îgûrû, nîwonire mûndûmûka akîîthambia. Mûndûmûka ûcio aarî mûthaka mûno.

2Atha 14:13

Jehoashi nîwanyitire Amazia, agîcoka akîthiî Jerusalemu na akîomomora rûthingo rwa îtûûra rîa Jerusalemu kuuma kîvingorî Kîam Efiraimu nginya kîvingorî Kîam Mûthiia, vandû va ûraca wa vakuvî mita Magana maîrî (200).

2Maû 20:5

Mûthamaki Jehoshafati nîwarûngamire varîa andû a Juda na a Jerusalemu maagomanîte kîvarorî kîrîa gîcerû Kîam hekarû,

2Maû 33:5

Nîwatumire metha cia magongoona cia kûgoocagîra ciûmbe cia îgûrû kûu ivaarorî igîrî cia hekarû.

Nehemia 12:37

Kîvingorî kîrîa Kîamrî kîthimarî Kîam manjî nîmaaunûkirie mathiîrîrîte ngathîrî îrîa yathiîte îtûûrarî rînene rîa Daudi. Nîmaavîtûkire mûciî wa mûthamaki Daudi, na nîmaathiîrîre vuva wa rûthingo nginya kîvingorî Kîam manjî, mwena wa îrathîro wa îtûûra rîa Jerusalemu.

Nehemia 12:39

Kuuma vau nîtwavîtûkîrîre kîvingorî Kîam Efiraimu, na tûkîvîtûkîra kîvingorî kîrîa gîa tene (na nîkîo gîtagwa rîngî kîvingo Kîam Jeshana). Nîtwavîtûkîrîre kîvingorî Kîam nthamaki, na nyombarî ndaca na îgûrû ya îgana nginya tûgîkinya kîvingorî Kîam ng'ondu. Mûthiûrûrûko wetû warîkîre vakuvî na kîvingo Kîam njeera.

Nehemia 3:26

Nacio ndungata cia hekarû irîa ciatûûraga Ofeli nîciatumire rûthingo rîngî nginya vandû varîa vaaroranîtie na kîvingo Kîam manjî mwena wa îrathîro na nyombarî îrîa ndaca na îgûrû.

Nehemia 8:1

Andû onthe a Isiraeli nîmaagomanire vamwe kîvarorî vakuvî na Kîvingo Kîam Manjî. Nao nîmaaûririe Ezira ûrîa warî mwandîki arete îvuku rîa Watho wa Musa ûrîa Ngai aaveete andû a Isiraeli.

Nehemia 8:3

Ezira arî vau kîvarorî Kîvingorî Kîam Manjî nîwathomere andû onthe watho, arûme, aka na ciana kuuma kîraûko tene nginya mûthenya gatagatî, na andû onthe nîmaathikîrîrîtie waro.

Jeremia 19:13

Nyomba cia Jerusalemu na nyomba cia athamaki a Juda, na nyomba cionthe irîa îgûrû rîa cio kwavîvagîrua ûbani kûrî njata irîa îtûûraga îgûrû na gûkarutîrwa matega ma ndivei kûrî ngai ciîngî, nîgûkaagwatwa nî mûgiro wata Tofethi.”

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Gûco 22:8

“Rîrîa ûgaatuma nyomba njerû ûkaamîrigicîria na rûthingo rûkuvî mîena yonthe îgûrû rîayo nîguo mûndû wa wonthe angîgwa akue aumîte îgûrû rîayo, andû a nyomba yaku matikagwatwe nî wîvia wa kûragana.