Nehemia 8:10 - ÎVUKU RÎA ÛVORO MWARO

¹⁰ Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Nehemia 8:10 ပူးပေါင်းရင်းမြစ်များ

1Atha 8:66

Mûthenyarî wa kanana, Solomoni nîwerire andû menûke. Nao nîmaaugîre mûthamaki ûvoro na makînûka kwao mîciî makenete na makîgucaga waro ngororî ciao nîûndû wa maûndû monthe maro marîa Ngai-Mûnene eekîte Daudi ndungata yake, vamwe na andû ake a Isiraeli.

1Maû 16:27

Ngumo na ûnene nîimûthiûrûrûkîrîtie, vinya na gîkeno ciîcûrîte hekarûrî yake.

Nehemia 8:11

Kwoguo Alawi nîmaathiîre magîkiragia andû makîmeeraga matikethîrwe marî na kîeva nîûndû ûyû nî mûthenya mwamûre.

Nehemia 8:12

Kwoguo andû onthe nîmeenûkire mîciî kwao na nîmaarîre na makînyua marî na gîkeno. Nîmaacokire makîgaîra andû arîa mataarî na kîndû nîûndû nîmaataûkîrwe nî ciugo irîa maathomerwe.

Esita 9:19

Kîu nîkîo gîtûmaga Ayahudi arîa matûûraga na kûu icagirî makenerera mûthenya wa îkûmi na kana wa mweri wa Adari ta mûthenya wa gîkeno na wa kûvurûka. Mûthenya ûyû nîwa kûrîa na wa kûvecana iveo cia mûthemba wa irio kûrî mûndû na ûrîa wîngî.

Esita 9:22

Mîthenya îno nî îrîa Ayahudi maavootire nthû ciao. Kûrî Ayahudi mûthenya ûyû wagarûrûkîte ûgatuîka wa gûkûngûîra, îthenya rîa kîeva na gûcakaya. Nîmerirwe maririkanage mîthenya îno na kîrugo gîa kûrîa makenete, makîvecanaga iveo cia mîthemba ya irio kûrî mûndû na ûrîa wîngî wana kûva athîni.

Thaburi 149:2

Isiraeli, kenerera Mûkûmbi, Andû a Zayuni canjamûkani nîûndû wa Mûthamaki wenyu.

Thaburi 89:17

Nîûndû we nîwe vinya wao wa magegania; wendo waku nîguo ûtûmaga mavoote nthû ciao.

Nthi 17:22

Mwîrî wa mûndû mûkeni wîkaraga ûrî na vinya, nwatî mwîrî wa mûndû ûrîa wîkaraga na kîeva nîûthiraga vinya.

Mûvunjia 11:2

Onjorithia mbeca ciaku na njîra nyîngî, nîûndû ndwîcî ûrîa gûgekara.

Mûvunjia 2:24

Ûndû ûrîa mwaro mûno mûndû angîka ûtûûrorî wake nî kûrîa, kûnyua na gûkenerera wîra wake. Nînaamenyire atî wana ûndû ûyû uumaga kûrî Ngai.

Mûvunjia 3:13

Andû magîrîrwe nî kûrîa na kûnyua na gwîkenia na indo irîa macarîtie nîûndû indo icio nî Ngai ûmavete.

Mûvunjia 5:18

Ûndû ûrîa monete ûrî mwagîrîru na mwaro wa gwîka, nî kûrîa na kûnyua na gwîkenia na indo cionthe irîa mûndû arutîrîte wîra kavinda kanini karîa mûndû agûtûûra gûkû nthî, nîûndû ûguo nîguo Ngai aamûvangîre.

Mûvunjia 9:7

Thiî ûkarîe irio ciaku ûkenete na ûnyue ndivei yaku ûcanjamûkîte, nîûndû Ngai nîetîkîrîte wîra waku.

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Isaia 49:5

Na rîu Ngai-Mûnene arauga atî; ûrîa wambîtire kuuma nîrî îvurî rîa nyanya, nîguo nduîke ndungata yake; nîguo njokie andû a Jakovu kûrî ke, nîguo njokanîrîrie andû a Isiraeli varî ke. Ngai-Mûnene nîamvete gîtîîo, na Ngai wakwa nîke ûtuîkîte vinya wakwa.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Zakaria 14:21

Nyûngû cionthe cia kûruga irîa irî Jerusalemu na Juda ikethîrwa irî nyamûrîre Ngai-Mûnene mwene vinya wonthe. Andû onthe arîa magaaûka kûruta magongoona nîmagooca nyûngû imwe na nîmakaaruga nacio. Kavinda kau gûtigaacoka kwonwa andû arîa magûraga na makendia indo rîngî hekarûrî ya Ngai-Mûnene.

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

2Akor 8:2

Nîmaavîtûkîrîrîte mageriorî marito na mathînarî meengî. Nwatî wana ethîrwa maarî athîni mûno, gîkeno Kîamo Kîamrî kîngî nîûndû nîmaavecanire na ûtaana.

Afil 3:4

Nîrî nama atî nînîngîavotire kwiga mwîvoko wakwa maûndûrî ma mwîrî. Angîthîrwa nîkûrî mûndû ûngîîvoka maûndû ma nja ma mwîrî, nie nîrî na gîtûmi kînene mûno gîa gwîka guo.

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.

1Sam 25:8

Ta ûria anake aku na nîmagûkwîra. Twaûka mûthenya wa gîkeno na tûrakûthaitha ûtwamûkîre na ûtûve tue ndungata ciaku na mûrataguo Daudi wa kîrîa kîonthe wî nakîo.”