Nehemia 6:16 - ÎVUKU RÎA ÛVORO MWARO

¹⁶ Rîrîa nthû cietû cionthe na ndûrîrî irîa ciatûthiûrûrûkîrîtie ciegwire atî wîra wa gûtuma rîngî rûthingo nî mûrîku, nîmaamakire na makîgua maconokete mûno. Nîmaacokire makîmenya atî nî Ngai ûtûtethetie kûruta wîra.

Nehemia 6:16 ပူးပေါင်းရင်းမြစ်များ

Nehemia 2:10

Nwatî rîrîa Sanibalati ûrîa warî wa kuuma Horoni, na Tobia mûnene wa vûrûri wa Aamoni megwire atî kûrî na mûndû ûkîte kûruta wîra nîûndû wa wagîrîru wa andû a Isiraeli nîmaarakarire mûno.

Nehemia 4:1

Rîrîa Sanibalati eegwire atî tue Ayahudi nîtûratuma rîngî rûthingo, nîwarakarire mûno na nîwambîrîrie gûtûnyarara.

Nehemia 4:7

Nwatî rîrîa Sanibalati, Tobia na andû a Arabia, Aamoni, na Ashidodi meegwire atî wîra wa gûtuma rûthingo rwa Jerusalemu rîngî nwa ûrathiî na mbere na kûrîa kwarî na mîanya nîkûravingwa nîmaarakarire mûno.

Nehemia 6:17

Kavinda kau konthe atongoria a Juda nîmaatûmagîra Tobia maarûa, na Tobia nîwamatûmagîra maarûa ciake.

Thaburi 109:27

Tiga andû mamenye atî nîwe wîkîte ûguo; we Ngai-Mûnene, nîwe wîkîte ûguo.

Thaburi 126:2

Tûnyua twetû nîtwecûrirwe nî matheka, na tûrîmî twetû tûgîcûrwa nî gîkeno. Nao andû a mavûrûri marîa mengî nîmaaugire atîrî, “Ngai-Mûnene nîekîrîte andû acio maûndû manene.”

Thaburi 129:5

Arîa onthe mamenete Zayuni, maroconorithua na macokithue.

Thaburi 147:2

Ngai-Mûnene nîke ûtumaga rîngî Jerusalemu; nîaracokia mûciî Aisiraeli arîa marî îthamîriorî.

Ntha 14:25

Nîwatûmire magûrû ma ngari ciao cia mbarathi maremera, na kwoguo nîmaagîre na thîna wa kûthiî mbere. Nao andû a Misiri nîmaaugire atîrî, “Ngai-Mûnene ararûa natue akîrûîrîra andû a Isiraeli. Nîtûre tuume varî o!”

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Ndari 23:23

Gûtirî mûndû ûngîroga andû a Jakovu, gûtirî ûgo ûngînyita andû a Isiraeli. Andû makaaugaga atîrî, ‘Taroriani mwone magegania marîa Ngai ekîte kûrî andû a Isiraeli.’

Ciîko 5:38

Kwoguo rîu nie nîrona arî waro twererekere andû aya na tûtigane nao. Ethîrwa mûvango na wîra ûyû wao umanîte na wathani wa ûmûndû, nîûkûthira.

Josh 2:11

Na rîrîa twegwire ûguo tue nîtwagîre guoya nyîngî na tûgîtigîra na gûtirî mûndû ûrî na ûmîrîru arî mbere yenyu. Nîûndû Ngai-Mûnene, Ngai wenyu nîke Ngai wa îgûrû na wa gûkû nthî.

Josh 2:9

na akîmera atîrî, “Nîmbicî atî Ngai-Mûnene nîavecanîte vûrûri ûyû kûrî mue. Nao andû arîa onthe matûûraga vûrûrirî ûyû marî na guoya nyîngî mûno nîûndû wenyu.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.