Nehemia 2:18 - ÎVUKU RÎA ÛVORO MWARO

¹⁸ Nînaacokire ngîmeera ûrîa Ngai ethîrîtwe akîndethia na ûrîa mûthamaki aambîrîte. Nao nîmaaugire atîrî, “Tigani twambîrîrie gûtuma rîngî.” Nao nîmeevarîrie kwambîrîria kûruta wîra.

Nehemia 2:18 ပူးပေါင်းရင်းမြစ်များ

2Sam 2:7

Rîu îyûmîrîrieni na mûgîe na vinya! Nîûndû Saûlo mûthamaki wenyu nî mûkuû, na andû a Juda nîmanthuurîte nduîke mûthamaki wao.”

1Maû 11:10

Ûyû nîguo mûtaratara wa athigari a mbaara a Daudi arîa maarî atongoria. Atongoria aya vamwe na andû onthe a Isiraeli nîmaanyitire ûthamaki wa Daudi mbaru na makîmûtethia gûtuîka mûthamaki ûrî na vinya kûringana na ûrîa Ngai-Mûnene eeranîrîte.

1Maû 19:13

Gîa na vinya na ûcamba na tûrûîrîre andû etû na matûûra ma Ngai wetû. Ngai-Mûnene nîagwîka ûrîa akwona kwagîrîrîte.”

2Maû 32:5

Hezekia nîwarutire wîra na vinya wa gûtuma rîngî rûthingo rwa Jerusalemu kûrîa rwarî rwomomoku na agîtuma nyomba ndaca na îgûrû cia arangîri rûthingorî rûu. Nîwatumire rûthingo rwa kaîrî mwena wa nja wa rûthingo rûu na agîtuma kûndû kûrîa gwecûrîtue mûthetu mwena wa îrathîro wa îtûûra rîa Daudi nîguo kûgîe na vinya. Wana nîwarûthire ngo na indo nyîngî cia mbaara.

Ezira 6:22

Nîmaakûngûîre kîrugo Kîam mîgate îtaarî mîkîre ndawa ya kwimbia vandû va mîthenya mûgwanja marî na gîkeno. Maakenete nîûndû Ngai-Mûnene nîwatûmîte mûthamaki wa Asîria agîe na wendo nîguo amatethie gûtuma rîngî hekarû ya Ngai wa Isiraeli.

Nehemia 2:8

Na anengere maarûa îngî mvirîre Asafu mûmenyereri wa mûtitû wa vûrûri nîguo akaamva mbaû cia gûtuma ivingo cia vandû varîa vagitîre mûno varîa hekarû yarî na cia rûthingo rwa îtûûra rînene. Na acoke anengere mbaû nîûndû wa nyomba îrîa ngeekara. Nake Ngai aarî vamwe nanie kwoguo mûthamaki nîwanengere kîrîa kîonthe netirie.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

1Sam 23:16

Nake Jonathani mûvîcî wa Saûlo nîwathiîre kûrî Daudi kûu Horeshu na akîmûmîrîria atî Ngai nîakûmûgitîra.