Nehemia 13:26 - ÎVUKU RÎA ÛVORO MWARO

²⁶ Nînaugire atîrî, “Aka ageni nîo maatûmire mûthamaki Solomoni evia. Gatagatî ka ndûrîrî irîa ciîngî gûtirî mûthamaki wekariî take. Nîwendetwe nî Ngai wake na Ngai nîwamûtuire mûthamaki wa Isiraeli kuonthe. Kûnarî ûguo aka acio ageni nîmaatûmire evia.

Nehemia 13:26 ပူးပေါင်းရင်းမြစ်များ

1Atha 21:25

(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.

1Atha 3:12

rîu nîngûkûva kîu wavoya. Nîngûva ûûgî mwîngî na ûmenyo, ûrîa ûtaanethîrwa ûrî na mûndû wîngî kana ûkeethîrwa ûrî na mûndû wîngî vuva waku.

1Atha 3:13

Nîngûva wana kîrîa ûtanavoya. Nîngûkûva ûtonga na gîtîîo ûtûûrorî waku wonthe, na gûtikethîrwa kûrî na mûthamaki wîngî tawe.

1Atha 4:1

Solomoni aarî mûthamaki wa Isiraeli kuonthe.

2Maû 1:12

Kwoguo nînakûva ûûgî na ûmenyo. Na nîngûkûva indo, ûtonga, na gîtîîo gûkîra mûthamaki wa wonthe wa arîa maarî mbere yaku kana arîa magaaûka vuva waku.”

2Maû 9:22

Mûthamaki Solomoni aarî mûtongu mûno na aarî mûûgî mûno gûkîra athamaki onthe a nthî.

Nthi 31:3

Ndûkathirie vinya waku na aka, ndûkavecane ûtonga waku kûrî andû acio macûkangagia athamaki.

Mûvunjia 7:26

Ûndû ûrîa namenyire mûcûku mûno gûkîra gîkuû nî mûndûmûka ûrîa ngoro yake îkariî ta mûtego na njara ciake nîta mvîngû cia kûnyita mûndû. Mûndû ûrîa wîtigîrîte Ngai nwa etheme mûndûmûka ûcio, nwatî mûndû ûrîa wîvagia nîanyitagwa nîke.