Nehemia 13:23 - ÎVUKU RÎA ÛVORO MWARO

²³ Kavindarî wa kau nînaamenyire atî Ayahudi eengî nîmaavikîtie aka kuuma Ashidodi, Aamoni, na Moabu.

Nehemia 13:23 ပူးပေါင်းရင်းမြစ်များ

1Atha 11:1

Mûthamaki Solomoni nîwendire aka eengî a kuuma mavûrûrirî mageni. Nîwendire mwarî wa mûthamaki wa Misiri na akîenda aka engî kuuma Hiti, Moabu, Aamoni, Edomu na Sidoni.

Ezira 10:10

Ezira, mûthînjîri-Ngai nîwarûngamire na akîra andû atîrî, “Nîmunîte watho wa Ngai na njîra ya kûvikia aka ageni, na mûgatûma vûrûri wa Isiraeli ûgîe na mevia meengî.

Ezira 10:44

Andû aya onthe nîmaavikîtie aka ageni na nîmaamengatire vamwe na ciana ciao.

Nehemia 10:30

Nîmaaugire atî matikaanenganîra erîtu ao mavikua nî anake a andû arîa matûûraga vûrûri ûcio, kana metîkîra anake ao mavikia erîtu a andû acio.

Nehemia 10:31

Ethîrwa ageni nîmakaarete indo kana irio cia mûgûndarî cia kwendia mûthenya wa thavatû kana mûthenya wîngî mûtheru tûtikaaigûra. Mwakarî wa mûgwanja tûkaarekanagîra mathiirî monthe na tûtikaarîmaga mîgûnda yetû.

Nehemia 13:1

Mûthenya ûcio andû nîmaathomerwe na mûgambo mûnene Watho kuuma îvukuurî rîa Musa. Wathorî ûcio nîmaathomire vandû varîa vaaugîte atî gûtirî vîndî wana îrîkû andû a Aamoni kana Amoabu mageetîkîrua gûtonya kîûnganorî Kîam andû a Ngai.

Nehemia 13:24

Nuthu ya ciana ciao ciaragia rûthiomi rwa Ashidodi kana rwa mûndû ke mwene, nwatî matingîavotire kwaria rûthiomi rwa Juda.

Nehemia 13:27

Nîkwa tûkûmûthikîrîria na twîke ûndû ûyû mûcûku wa kûregana na Ngai na njîra ya kûvikia aka ageni?”

Nehemia 4:7

Nwatî rîrîa Sanibalati, Tobia na andû a Arabia, Aamoni, na Ashidodi meegwire atî wîra wa gûtuma rûthingo rwa Jerusalemu rîngî nwa ûrathiî na mbere na kûrîa kwarî na mîanya nîkûravingwa nîmaarakarire mûno.

Ntha 34:11

Athîkagîra watho ûrîa ngûkûnengera ûmûnthî. Na rîrî, wa ûrîa mûkethagîrwa mûkîthiî na mbere nwaguo ngengataga Amori, Akanaani, Ahiti, Aperizi, Ahivi na Ajebusi.

2Akor 6:14

Mûtikanagerie kûrutithania wîra vamwe na arîa matetîkîtie ta mûrî ûndû ûmwe nao. Kûngîvoteka atîa waro na ûcûku igîe na ngwatanîro? Kûngîvoteka atîa ûtheri na nduma itûûre vamwe?

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.

Ruthu 1:4

Nao anake acio nîmaavikirie aka a Moabu; ûmwe eetagwa Oripa nake ûcio wîngî eetagwa Ruthu. Vuva wa gûtûûra kûu îvinda ta rîa mîaka îkûmi,

1Sam 5:1

Afilisiti maatava îthandûkû rîa kîrîkanîro rîa Ngai, nîmaarîkuuire makîrîruta kûu Ebeneza na makîrîvira îtûûrarî rîao, rîrîa rîetagwa Ashidodi.