Nehemia 13:2 - ÎVUKU RÎA ÛVORO MWARO

² Gîtûmi Kîam ûndû ûcio nî atî matianava andû a Isiraeli irio kana manjî vîndî îrîa maaumaga Misiri. Vandû va ûguo, Aamoni na Amoabu maavere Balaamu mbeca nîguo arume Aisiraeli kîrumi. Nwatî Ngai wetû nîwagarûrire kîrumi kîu gîgîtuîka kîrathimo.

Nehemia 13:2 ပူးပေါင်းရင်းမြစ်များ

Thaburi 109:28

Tiga andû manume, nwatî we ûndathime, tiga arîa marantharîkîra maconoke, nanie, ndungata yaku, ngene.

Mika 6:5

Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”

Ndari 23:18

Nake Balaamu nîwarathire atîrî, “Ûka Balaki mûvîcî wa Zipori, ûthikîrîrie ûrîa nguga.

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Gûco 23:3

“Gûtirî mûndû wa kuuma vûrûrirî wa Aamoni kana wa Moabu, kana njiarwa ciao cionthe nginya rûciaro rwa îkûmi ûgeetîkîrua gûtonya kîûnganorî Kîam andû a Ngai-Mûnene.

Gûco 23:4

Nîmaaregire kûmûva irio kana kûmûkundia manjî rîrîa mwaumaga Misiri, na makîandîka Balaamu mûvîcî wa Beori kuuma Pethori kûu Mesopotamia nîguo amûrume.

Gûco 23:5

Nwatî Ngai-Mûnene Ngai wenyu ndaathikîrîria Balaamu. Vandû va ûguo kîrumi kîu gîacokire gûtuîka kîrathimo kûrî mue; nîûndû Ngai-Mûnene Ngai wenyu nîamwendete.

2Pet 2:15

Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.