Nehemia 13:15 - ÎVUKU RÎA ÛVORO MWARO

¹⁵ Kavinda kau nînonire andû a Juda makîviva thavibu mûthenya wa thavatû na nîmaaretaga irio cia mîgûnda maikuithîtie mvunda. Na engî nîmaaretaga ndivei, thavibu, na ndamaiyû îtûûrarî rîa Jerusalemu mûthenya wa thavatû maikuîte na mvunda. Nînaamakaanirie na ngîmeera matikendie indo mûthenya wa thavatû.

Nehemia 13:15 ပူးပေါင်းရင်းမြစ်များ

2Maû 24:19

Kûnarî ûguo Ngai-Mûnene nîwatûmire arathi kûrî andû acio makameere mamûcokerere, nwatî nîmaaregire kûmathikîrîria.

Nehemia 10:31

Ethîrwa ageni nîmakaarete indo kana irio cia mûgûndarî cia kwendia mûthenya wa thavatû kana mûthenya wîngî mûtheru tûtikaaigûra. Mwakarî wa mûgwanja tûkaarekanagîra mathiirî monthe na tûtikaarîmaga mîgûnda yetû.

Nehemia 10:32

Wana nîtwetîkîra kûruta wa mûndû gîcunjî kîmwe Kîam ithatû gîa sîlûva wa mwaka wa mwaka nîûndû wa ûtungata wa hekarû.

Nehemia 13:16

Andû a kuuma Turo arîa maatûûraga Jerusalemu nîmaaretaga nthamaki na indo cia mîthemba yonthe mûthenya wa thavatû na makendagîria andû a Juda na Jerusalemu.

Nehemia 13:21

Nwatî nînaamakaanirie na ngîmeera atîrî, “Mûrarara ava rûthingorî nîkî? Mweka ûguo rîngî nîngaamwîngata na vinya.” Kuuma vîndî îo matiacoka gûka mûthenya wa thavatû.

Nehemia 9:29

Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Ayubu 39:12

Nwa wîvoke mbogo îgûkethere ngano, na îkûvirîre cio îtîrirî?

Thaburi 50:7

“Tathikîrîriani mue andû akwa, ûrîa nîrauga! Nîngûruta ûira îgûrû rîaku, we Isiraeli. Nie nînie Ngai, Ngai waku.

Ntha 31:12

Ngai-Mûnene nîwerire Musa

Ntha 31:16

Kwoguo njiarwa cionthe cia andû a Isiraeli nîmatûûra mamenyagîrîra mûthenya wa thavatû rûrî rûûri rwa kîrîkanîro.

Ntha 34:21

“Mûkaarutaga wîra mîthenya îtandatû, nwatî mûthenya wa mûgwanja mûkîvurûka wana ethîrwa nî vîndî ya marîma kana ya maketha.

Ntha 35:2

Mûrî na mîthenya îtandatû ya kûruta wîra wenyu wonthe, nwatî mûthenya wa mûgwanja ûkethagîrwa ûrî mûthenya mûtheru wa thavatû na wa kûvurûka wamûrîrîtwe Ngai-Mûnene. Mûndû wa wonthe ûkaaruta wîra wana ûrîkû mûthenya ûcio nî akaaûragwa.

Nthi 28:4

Andû arîa mareganaga na watho makumagia andû arîa aganu, nwatî arîa mathîkagîra watho nîmareganaga na andû arîa aganu.

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Jeremia 17:24

Ngai-Mûnene arauga atîrî, “Mûngînthikîrîria na mûrege gûkuua kîndû mûthenya wa thavatû mûkîvîtûkîrie ivingorî cia îtûûra rîa Jerusalemu, nwatî mûririkanage mûthenya wa thavatû mûwamûrage na mûtikarute wîra mûthenya ûcio,

Jeremia 17:27

Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Jeremia 42:19

Jeremia nîwathiîre na mbere kwîra andû atîrî, “Mue andû a Juda arîa mwatigarire, Ngai-Mûnene aramwîra mûtikathiî Misiri. Menyani atî ûmûnthî nînamûkania

Ezek 20:13

Nwatî andû a Isiraeli nîmaareganire nanie marî werûrî. Matiarûmîrîra irîra ciakwa nwatî nîmaaregire mawatho makwa, marîa mûndû angîmarûmîrîra mangîtûma atûûre mwoyo, na makîrega kûva thavatû ciakwa gîtîîo. Nînacokire ngîciria nîmetûrûrîre marakara nîmathirie viû marî werûrî.

Amosi 8:5

mûkiugaga ngororî cienyu atîrî, “Kîrugo Kîam mweri mûcerû gîkathira rî, nîguo twendie irio cietû cia mûgûnda? Thavatû îkaathira rî, twambîrîrie kwendia ngano cietû, na tûcenjia ithimi irîa tûthimaga nacio, nîguo tûveenie andû?

Mika 6:3

Ngai-Mûnene arauga atîrî, “Mue andû akwa, nî atîa nîmwîkîte? Nîmûnogetie na ndûî? Mbîrani!

Ciîko 2:40

Petero nîwamaarîrie na akîmathaitha na ciugo nyîngî akîmeeraga atîrî, “Îîvonokieni kuuma îverarî rîrîa rîgûka kûrî andû a rûciaro rûrû rwaganu!”

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Agal 5:3

Wa rîngî nîngwîra mûndû wa wonthe wîtîkagîra kûrua atî ke nîwagîrîrwe nî kwathîkîra watho wonthe.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Gûco 8:19

Na ethîrwa nîmûkaariganîrwa nî Ngai-Mûnene, Ngai wenyu, na mwambîrîrie gûcaria ngai ciîngî cia gûtungatîra na kûigooca, nîramwîra nama atî mweka ûguo nwanginya mûkaathira viû.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.